Şahbuz Rayon Mərkəzi Xəstəxanası PHŞ - də "Sağlam xanım, Sağlam gələcək" devizi altında tibbi aksiya
Şahbuz Rayon Mərkəzi Xəstəxanası PHŞ - də Heydər Əliyev ili çərçivəsində Ümummilli Lider Heydər Əliyevin əziz xatirəsinə həsr olunmuş "Sağlam xanım, Sağlam gələcək" devizi altında Naxçıvan Muxtar Respublikası Doğum Mərkəzi ilə birgə "Ginikoloji" aksiya keçirilmişdir. Şahbuz rayonunda yaşayan və rayonumuzun xanımları dəvət olunmuşlar. Aksiyada 65 nəfər rayon sakini iştirak edərək həkim - ginikoloq müayinəsində olmuşlar. Aksiyada, həkim ginikoloq, həkim - funksionalist, həkim - laborant, ginikoloq cərrah və digər həkim kollektivi tibbi xidmət göstərmişlər. Vətəndaşlardan mərkəzə gəlmə imkanı olmayanlara avtomobil dəstəyi verilərək müayinələrə cəlb edilmişlər. Şəhid və qazi ailələri öncəlikli olmaqla, birinci qrupdan olan imtiyazlı xanım vətəndaşlara yaşadıqları ünvanda ginikoloji tibbi xidmət göstərilmişdir. Aksiya mütamadi olaraq rayonun şəhər, qəsəbə və kəndlərində davam etdiriləcəkdir.