Александр Блок. Девушка пела в церковном хоре (на осетинском языке)
АЛЕКСАНДР БЛОК
Аргъуаны, кувгæ, чындздзон чызг зарыд…
Аргъуаны, кувгæ, чындздзон чызг зарыд
Фыдвæллад удтыл кæйдæр бæсты,
Цъæх денджызмæ ʻппæт фæцæуæг наутыл,
Сæ цинæй цухтыл ацы зæххыл.
Зæлланг хъæлæс тахти тымбыл, къуырф цармæ,
Æрттиваг уæхскыл хуры тын бадт,
Æппæт адæм талынгæй хъуыстой зардмæ, –
Зæрин тынæй хъуысти къабайы зард.
Æнхъæлдтой, цины уац хъуысдзæн ардæм,
Сты сабыр наууæтты наутæ æгас.
Æмæ æцæгæлон бæсты рыст адæм
Ссардтой сæхицæн рухс цард, æдас.
Адджын зард зæрин тынæй дардыл калди,
ʻРмæст Паддзахы Дуæрттæм бынтон хæстæг
Куыдта уæлейæ Æппæтзонæг Саби,
Кæй ничи æрыздæхдзæн дард бæстæй.
Уырыссагæй раивта Плиты Инал.