أغنية لو تعرفي للفنان علي الحجار.
أغنية: لو تعرفي.
غناء: علي الحجار.
كلمات: نبيل خلف.
ألحان: رياض الهمشري.
الكلمات:
لو تعرفي أنا قد إيه موجود تملي في سكتك
وحلم دافي لسه تحت مخدتك
أنا قوتك حريتك حنيتك وتهورك وحكمتك وألفتك وغربتك ورغبتك في الحياة في الحياة
وهل افترقنا مش صحيح
الحب غير كل شيء
والروح تبوح بأسرار اللقا
لحظه ميلادنا كل يوم
ليه ترسمي الكون الوسيع صندوق ورق
استسلمي واحلمي بكون جديد ومختلف
واللي نلاقيه هوه المهم
وأي شيء بنخسره ما هوش مهم
ومستحيل الحلم ممكن يبتدي
من غير وصال بين البشر
ونجوم كتير بتتولد حين نلتقي
ونجوم تموت لو نفترق
لو تعرفي أنا قد إيه موجود تملي في سكتك
وحلم دافي لسه تحت مخدتك
أنا قوتك حريتك حنيتك وتهورك وحكمتك وألفتك وغربتك ورغبتك في الحياة في الحياة.