Et3alemt - Johnny | اتعلمت - جوني

Опубликовано: 15 Июль 2026
на канале: Johnny

1,013,088

5.2k

Facebook :   / johnnyofficialpage
Twitter :   / johnnysinger81
Instagram :   / johnnysinger81
Google + : https://plus.google.com/u/1/+johnnyG1981

اتعلِّمتْ أهرب من قلبي ومن إحساسُه
اتعلِّمتْ قُصاد أحزانِك ما اتألِّمش
مهما سهرتْ ومهما عيوني فـ ليلِك قاسوا
اتعلِّمتْ أداري دموعي وما اتكلِّمش

كُنتْ بأعيش علشان مايموتش فـ قلبي هواكي
كُنتْ بأموت علشان فـ عيونِك نفسي أعيش
قولتْ أعاتبِك وأعرف إيه آخرتها معاكي
خوفتْ تردِّي عليَّا بضحكة وما تجاوبيش

كُنتْ بأقولِّك إنِّي فـ حُضنِك بأخلق روحي
وإن الرعشة فـ إيدي دي لهفة بتتمناكي
كنتْ بأقولِّك إنِّي بألوِّن بيكي جروحي
وإنِّي مجرد صرخة بتغرق جوَّه سماكي

كان فـ لُقانا الوقت بيتعب من مشاويرنا
كُنَّا بنسبق أبعد حلم ونستنَّاه
وآدي طريق الشوق بيسلِّم روحُه لغيرنا
وإحنا مسيرنا نفارق روحنا عشان نلقاه

جايز أندَّم إنِّي فـ يوم ماقدرتش أسامحِك
جايز أندَّم وأرجع أحنّْ لحُضنِك تاني
جايز ألمس صورتِك لمَّا أحسّْ بجرحِك
بس لا يُمكن أغنِّي بصوتِك عن أحزاني

كُنتْ بأقولِّك إنِّي فـ حُضنِك بأخلق روحي
وإن الرعشة فـ إيدي دي لهفة بتتمناكي
كنتْ بأقولِّك إنِّي بألوِّن بيكي جروحي
وإنِّي مجرد صرخة بتغرق جوَّه سماكي
-----------------------------------
كلمات والحان : أنطونيوس نبيل
توزيع : محمد يسري
وتريات: محمد يسري
جيتار: روكيت
شيللو: محمود صالح
ابوا: وسام
ميكس وماستر: ميشيل عبد الملك
جرافيك ومونتاج: هيثم عزت