Best 3 Internet Calling Apps for U.A.E [අන්තර්ජාල ඇමතුම් සඳහා හොඳම ඇප් 3] [In Sinhala/සිංහලෙන්]
Internet Calling Apps (VOIP)
Internet calling apps එහෙමත් නැත්තං voip calling apps ගැන UAE වල වෙසෙන අපි නිතර දෙවේලේ කතාකරන මාතෘකාවක්. ඉතිං මට හිතුනා 2023ට ගැලපෙන විදිහට මේ මාතෘකාව ගැන පොඩි updated post එකක් දාන්න.
ලොකේ අනිත් රටවල් වල වගේ නැතුව, UAE වල තියෙන එක නීතියක් තමයි VOIP Calling කියන facility එක හුඟාක් strict කරලා තියෙන එක. ඒ කියන්නේ සාමාන්යයෙන් අපි පාවිච්චි කරන Whatsapp, Messenger සහ Viber වගේ app වලින් messages යැව්වට call කරන්න බැරි එක.
ඉහත කී app වලින් අපි කාටහරි call එකක් ගන්නවනං අපිට VPN එකක් තියෙන්න ඕනේ. VPN කියන්නේ Virtual Private Network කියන එකටයි. ඒක ලොකු මාතෘකාවක් වුනාට මං දැනට අපිට මෙතනට වැදගත් දේ විතරක් විස්තර කරන්නං. VPN එකකින් පුලුවන් අපි ඉන්න තැන නැතුව වෙන තැනක ඉන්නවා කියලා අන්තර්ජාලයට පෙන්වන්න. ඒ කියන්නේ ඔයා Dubai ඉඳලා VPN එක on කලොත් Internet එක ඔයාව අඳුනගන්නේ ඒ දාපූ VPN එකේ පෙන්නන Location එකයි. ඒක වෙන ඕනම රටක් වෙන්න පුලුවන්. ඉතිං ඔය වගේ VPN එකක් දාලි ඔයාට පුලුවන් අර කලින් කියලු app හරහා messages වලට අමතරව calls ගන්න.
නමුත්,
අත්තනෝමතික විදිහට VPN භාවිතය UAE වල නීතී විරෝධී වැඩක්. දිරාම් ලක්ෂ 5ත් ලක්ෂ 20ත් අතර දඩයක් සහ අවුරුදු 2කට හිරේ යන වැඩක් මාට්ටු වුනොත්. කාටහරි කියන්න පුලුවන් අපෝ අපි කොච්චර පාවිච්චි කරනවද කියලා. පාවිච්චි කරන්න හැබැයි අහුවෙනකං විතරයි. අහුවුනොත් අර කලින් කියපුවා අත්විඳින්න වෙයි. හැමදාම නත්තල් නෑනේ නේද..
ඉතිං VPN පාවිච්චි නොකර ලංකාවේ ඉන්න අයට කොහොමද සාක්කුවට තට්ටුනොවී call එකක් ගන්නේ කියලා අපි බලමු.
App 3ක් තියෙනවා. 100%ක් ආරක්ෂිත වගේම 100%ක් UAE වල පාවිච්චි කරන්න පුලුවන් විදිහට නීත්යානුකූල තත්වයේ තියෙන. ඉතිං අපි බලමු මොනාද මේ app 3 කියලා.
1. Botim: Botim කියන්නේ UAE වල TDRA Approve කරපු app එකකට. ඒ කියන්නේ UAE වල ආණ්ඩුවෙන් පාවිච්ච කරන්න පුලුවන් කියපු සහ ආණ්ඩුව මැදිහත් වෙච්ච app එකකට. මේක PC, Android වගේම iOS වලටත් වැඩකරනවා. ඉතිං Phone එකට, Tab එකට අමතරව තමන්ගේ Lap එකට හෝ Desktop එකටත් මේක දාගන්න පුලුවන්. මේක mobile phone usersලට වඩා වැඩියෙන්ම වැදගත්වෙන්නේ pc usersලටයි. මොකදනං අද අපි තතාකරන app 3න්ම PC වලට Support කරන එකම app එක Botim වීමයි. Play store එකෙන් සහ App store එකට අමතරව botim.me එකෙන් PC එකටත් මේක බාගන්න පුලවන්. මං කලින් කිව්වා වගේ මේක හොඳටම හොඳ pc usersලට කියලා. ඒකට හේතුව mobile phone usersලට මේක පාවිච්චි කරද්දි ප්රශ්න 2ක් මතුවෙනවා. ඒකත් විශේෂයෙන්ම iOS usersලට. මේකේ තියෙන ලොකු අවුලක් තමයි මේකට data ගොඩාක් වැයවෙනවා. ඉතිං මේක UAE වල ඉන්න අපිට අවුලක් නොවුනට, ලංකාවේ ඉන්න අපේ අයට ලොකු ගැටලුවක්. දෙවනි අවුල තමා මේක වැඩිවෙලා පාවිච්චි කරද්දී phone එක හිරවෙන (stuck/freez) එකයි පමණට වඩා රත්වෙන (overheat) එකයි. මේක Android usersලට කුඩා පරිමානයෙන් බලපාන අතර iOS usersලට විශාල වශයෙන් බලපානවා.
2. Totok: Totok කියන්නේ Android පරිශීලකයන්ට පමණක් තියෙන app එකක්. මේ app 3න්ම හොඳම app එක තමයි Totok කියන්නේ. හැබැයි මේක iOS usersලට නෑ. Android phone එකක් තියෙන කෙනෙක්ට අනිවාර්යයෙන්ම තියෙන්නම ඕන app එකක් තමයි මේක. මේක Play store එකෙන් ගන්න පුලුවන්. හැබැයි තමන් ලඟ Samsung Phone එකක් තියෙනවනම් මේක Galaxy Store එකෙන් බාගන්න.
3. Comera: Comera කියන්නේ botim වෙනුවට iOS usersලට පාවිච්චි කරන්න පුලුවන් හොඳ app එකක්. හැබැයි මේක iOS වගේම Android phone වලටත් පාවිච්චි කරන්න පුලුවන්. Play store එකේ වගේම App Store එකෙනුත් මේක බාගන්න පුලුවන්. තමන්ට තියෙන්නේ iOS phone එකක්නම් මේක තියෙන්නම ඕන app එකක්.
ඉතිං මං හිතනවා මේ පෝස්ට් එක UAE වල ඉන්න හැමෝටම වැදගත් වෙයි කියලා.
විශේෂ නිවේදනයක්: රැකියා සම්බන්ද සියලුම පෝස්ට් මීට පස්සේ මගේ පෞද්ගලික Facebook Profile එකෙන් බලාගන්න පුලුවන්. සහ රැකියා සම්බන්ද වීඩීයෝ මගේ YouTube Channel එකෙන් දැකබලාගන්න පුලුවන්.
හැමෝටම,
සුභ සහ ජය!!!
Facebook: / marshaadakkhan
YouTube: / wolfofvalhalla
LinkedIn: / arshaadakkhan
Socials: https://wlo.link/@wolfofvalhalla