Hol gonɗo 𝘽𝙖𝙨𝙞𝙞𝙧𝙪 𝙅𝙤𝙢𝙖𝙖𝙮𝙞 𝙁𝙖𝙮𝙚
N’oublie pas de t’abonner ✅
Et d’activer la cloche 🔔
Hol gonɗo 𝘽𝙖𝙨𝙞𝙞𝙧𝙪 𝙅𝙤𝙢𝙖𝙖𝙮𝙞 𝙁𝙖𝙮𝙚 , tijjaaɗo lomtaade Makki Saal e jappeere laamu leydi senegaal ?
• Basiiru Jomaayi Faye, jibinaa ko 25 lewru Mbooy hittaande 1980. O jibina ko to wuro #Njagañaaw e nder regiyoŋ Cees. Caggal jaŋde makko leslesre, Basiiru heɓi Bakaloriya mum ko e hittaande 2000, caggal ɗuum o jokkoy jaŋde makko to duɗal, jaaɓi-haaɗtirde Seek Anta Joop to Dakar. Ko toon o heɓi seedantaagal makko "heɓindaare" (metrise)e fanu sariya. Caggal ɗuum o yawti to duɗal genndiwal (ENA).
• 𝐓𝐨 𝐟𝐚𝐧𝐮 𝐧𝐠𝐮𝐮𝐫𝐝𝐚𝐦 𝐦𝐚𝐤𝐤𝐨 𝐤𝐞𝐞𝐫𝐢-ɗ𝐚𝐦:
Basiiru Jomaayi Faye joggii ko rewɓe ɗiɗo ⑵ . Jom suudu makko gadano #Mari_kone_Faye e ɓe njogodi sukaaɓe tato ⑶ (ɗiɗo worɓe e cukalel dewel gootel). Gooto e ɓeen sukaaɓe ɗiɗo ⑵ worɓe , o inniri heen gooto ko Usmaan Sonko. Debbo makko ɗimmo oo, #Absa_Faye ɓee cuwa dañdude ɓesngu tawo. Ko e ñalawma haŋki oo 25 Mbooy 2024, duɓi makko timmi 44, o laati hooreejo senegaal ɓurɗo wonde suka e nder taarik leydi senegaal.
• Mbiri walaare luutndo laamu leydi ndii, dummbanooɗo e kaso hakke lebbi ⑾, ɗaccitaaɗo tawi lajal woteeji ina keddi balɗe ⑼, wondude e Usmaan Sonko, oon mbo lomtii darnde mum e ɗiin suɓngooji.
O anndudiri e Usmaan Sonko ko e hittaande 2007, e ndeen gollorde pawndi ''Lempo'', nde ɓe ngollidat-noo e mum. Basiiru ko inspekteer empo. Ko kolaaɗo kuɓal to golle lempo. O naati politik ko lannda PASTEF, gilaa e cosgol lannda kaa, e hittaande 2014. E gardogol Usmaan Sonko, latiiɗo tergal yummayal lannda kaa. Basiiru wonnoo kalfinaaɗo ɗowngo njuɓɓudi nder-nderiiri lannda kaa. E hittaande 2022, o toɗɗaa sekerteer generaal e ɗowngo terɗe lannda kaa.
E hittaande 2021 o toɗɗaama mbiri falnde Njagañaaw, oon komine mbo jibina e mum e suɓngooji ardaare diwe leydi senegaal e hittaande 2022. O fiyaa e ngaal pooɗundiral, hakkunde makko e #Tenig_Sene tergal lannda Makki Saal APR.
— O jagga, o waɗɗaa e kaso e lewru Seeɗto 2023, sabaabunde pumitgol konnguɗi ɗii goongɗaani feewde e terɗe njiilirɗe ɗowngu yummaawu leydi senegaal. Woni ɗeen ciŋooji ɗee o huccinoo e yimɓe hujjiyaŋkooɓe (Magistara en).
—Caggal ɗuum Makki saal tabitini kuulal, kumaningal yaafade yimɓe dummbaaɗe e kaso. Ndeen woni hooreejo Makki Saal yafiiɓe kaŋko e Sonko e yimɓe heewɓe woɓɓe.
—Basiiru Jomaaye Faye joggori joɗaade e jappeere mum hesre ko ñande 02 Seeɗto 2024.
Rejoignez cette chaîne pour bénéficier d'avantages exclusifs :
/ @pulaar7
#fulbe #fulfulde #poulagou #senegal #afrique #diery_tv #silvo_pastoral #piindi_tv