Learn Khmer through short story/ easy fun for Beginners
The story
មានមេពពែមួយរស់នៅជាមួយកូនក្នុងផ្ទះមួយ
ក្បែរមាត់ព្រៃ។
រាល់ថ្ងៃមុននឹងចេញទៅរកចំណីមេពពែតែងតែផ្តែផ្តាំកូន៖ ‘’នៅពេលដែលម៉ែមិននៅផ្ទះកូនកុំដើរលេងផ្តេសផ្ដាសឲសោះ។ ម្យ៉ាងទៀតនៅពេលដែល មាននរណា គោះទ្វារ ហៅកូនឲបើកទ្វារ ចូរកូនកុំបើក ព្រោះនៅក្នុងព្រៃនេះ មានសត្វសាហាវ ច្រើនណាស់។ នៅពេលម៉ែត្រឡប់មកវិញ ម៉ែនឹងគោះទ្វារហៅកូន រួចលូកជើងមុខ ចូលចន្លោះ ក្រោមទ្វារ បង្ហាញកូនជាសញ្ញា។ ‘’
មេពពែផ្តែផ្តាំកូនរួចហើយ ក៏ចេញដំណើរទៅរកចំណីបាត់ទៅ ឯកូនពពែក៏ បិទទ្វារជិត ធ្វើតាមបណ្តាំមេ។ ពេលនោះជាឱកាសល្អសម្រាប់កញ្ជ្រោងមួយ ដែលបានចូលលួចស្តាប់ការផ្តែផ្តាំរបស់មេពពែ។
មួយសន្ទុះធំក្រោយមក កញ្រ្ជោងក៏ចូលទៅគោះទ្វារ តុកៗ តុកៗ តុកៗ ។
កូនពពែក៏សួរ ៖ ‘’នរណាហ្នឹង ? ម៉ែ ឬ? ‘’
កញ្ជ្រោងក៏ឆ្លើយធ្វើសំលេងដូចមេពពែ៖ គឺម៉ែណាកូន កូនបើកទ្វារឲម៉ែផង ម៉ែមកវិញហើយ ។ ‘’
កូនពពែ៖ ‘’សូមម៉ែលូកជើងបង្ហាញកូនមក។
កញ្ជ្រោងក៏លូកជើងចូលតាមចន្លោះក្រោមទ្វារ បង្ហាញកូនពពែ។ ‘’
កូនពពែ ស្រែកឡើង ៖ ‘’ ទេៗ ទេៗ មិនមែនម៉ែខ្ញុំទេ ជើងធំ ខ្មៅព្រីក ដូចនេះ ច្បាស់ជាកញ្ជ្រោង។ ‘’