Thihna Ruama Inhlanna
Pu David Zoramthanga, ka Puzawn hi cancer avangin August 4, 2024 khan Civil Hospital, Aizawlah admit a ni a. Admit a nih hma pawh hian in lamah oxygen nen enkawl a ni deuh reng tawh a. Damdawiinah pawh hian ṭhat lam a pan hlei thei lo va, September 14, 2024, dar 11.45 am khan Pathian hnena chawl turin a haw ta a ni.
A boral hma ni thum, September 11, 2024 khan ṭawngṭaiin Pathian hnena inhlanna hun a hmang a, damlo chak lo tak, ṭawng pawh ṭawng hlei thei lo chunga rilru leh thinlung zawng zawnga Pathian a au thawm hi a ropui tak zet mai.
He a ṭawngṭaina hi Pathian lama hlawkna kan lo neihna hmanrua te a lo nih theih tâk hlauhin ka han upload a ni e.
A ruang niah a dam laia a hla ngaihthlak ngun ber, A chhawk ang che tih hla, a vuinaa sa turin Nl. Judy Lalhlimpuii kan ngen a, ani'n kan ngennate min tihhlawhtlinsak bawk a, a chungah kan lawm tak zet a ni.