Артыаллаах Арамаан аатын үйэтитээччилэрэ, үтүө дьыалатын салҕааччылара, сиэннэрэ Нарыйа Кириллина.
Саха Өрөспүүбүлүкэтин судаарыстыбыннаһын күнүгэр Солоҕон нэһилиэгин Карл Маркс аатынан холкуоска бэрэсэдээтэллээбит, бөдөҥсүйбүт "Горнай" холкуоска бэрэссэдээтэли солбуйааччынан, кэлин "Якутмежколхозстрой" ТМУ-тун начаалынньыгынан ситиһиилэхтик үлэлээбит. Саха АССР норуотун хаһаайыстыбатын үтүөлээх үлэһитэ, "Бочуот Знага" уордьан кавалера, РСФСР үөрэҕириитин туйгуна, сэрии, тыыл, үлэ ветерана, ыччат наставнига Роман Степанович Пахомов- Артыаллаах Арамаан 100 сааһыгар анаан төрүт сиригэр Соболооххо оҕолоро, улуус дьаһалтата үбүлээн өйдөбүнньүк бэлиэ туруорар сиэргэ-туомҥа сылдьар үрдүк чиэскэ түбэспиппиттэн астынан олоробун.
Бу курдук чулуу дьон үлэлээн-хамсаан ааспыт үлэтэ, кини дьоҥҥо сыһыана үйэлэргэ умнуллубат. Мин эбэм Евдокия Саввична Арамаан Ыстапаанабыһы өрүүтүн киһи киһитэ, дьон кыһалҕатын өрө тутар, быһаарар, үтүөнү эрэ ыраланар, үлэһит, холку диэн ахтара миэхэ олус үчүгэй эрэ өттүнэн өйбөр хаалбыт.
Төрөөбүт улууһун, өрөспүүбүлүкэтин иннигэр сүҥкэн кылааттаах, дьон туһа диэн күргүөмнээхтик үлэлээбит бастыҥ киһи Роман Степанович олоҕор сүгүрүйэбин, махтанабын.
Кини оҕолоругар, сиэннэригэр, чугас дьонугар доруобуйаны, этэҥҥэ буолууну баҕарабын.
Баһылык Александра Александрова