ஜிஎஸ்டி....எது குறையும்? எது உயரும்
புதுடெல்லி: ஜிஎஸ்டி வரி விதிப்பில் கார்களுக்கு ஒரே சீரான வரி விதிக்கப்படும் நிலையில் சிறிய ரக காரின் விலை உயர்வதற்கும், எஸ்யுவி விலை குறைவதற்கும் வாய்ப்பு உள்ளது. கார்களுக்கு தற்போது பலவகையான வரி விதிப்புகள் விதிக்கப்படும் நிலையில் ஜிஎஸ்டி அமல்படுத்தப்பட்டால் ஒரே சீரான வரி விதிப்பு விதிக்கப்படும். அதன்படி பார்த்தால் அனைத்து கார்களுக்கும் 28 சதவீத வரியும், சிறிய ரக பெட்ரோல் கார்களுக்கு 1 சதவீத செஸ்வரியும், எஸ்யுவி கார்களுக்கு 15 சதவீத செஸ்வரியும் விதிக்கப்படும் என்று தெரியவந்துள்ளது. இதன்படி சிறிய ரக கார் வாங்க விரும்புவோர் அதிக பணம் கொடுக்க வேண்டும். கூடுதலாக செஸ்வரியை செலுத்துவதால் கூடுதல் பணம் செலுத்த வேண்டியது வரும். ஸ்போர்ட் யுடிலிட்டி வாகனம்(எஸ்யுவி) போன்ற சொகுசு கார்கள் விலை குறைவாக இருக்கும்.
கார்களின் மீதான வரி 28 சதவீதம் விதிக்க ஜிஎஸ்டி கவுன்சில் நிர்ணயித்துள்ளதாகவும், பெட்ரோல், டீசல் சிறிய ரக கார்களுக்கு செஸ் வரியாக 1 முதல் 3 சதவீதம் விதிக்க விவாதித்து வருவதாகவும் கூறப்படுகிறது. இதே போன்று பெரிய கார்கள், சொகுசு வாகனங்களுக்க 25 முதல் 55 சதவீதம் வரை செஸ் வரி விதிக்க திட்டமிடப்பட்டுள்ளது. இது குறித்து கார் உற்பத்தி நிறுவன அதிகாரி ஒருவர் கூறுகையில், ‘‘நாட்டில் சிறிய ரக கார் தயாரிப்பு தொழிற்சாலைகள் செஸ் வரியால் பெரும் சவால்களை சந்திக்க வேண்டிய நிலை ஏற்படும். இதனால் சிறிய ரக கார் உற்பத்தியும் பாதிக்கப்படும்’’ என்றார். வணிக நிறுவன பங்குதாரர் ஒருவர் கூறுகையில், ஜிஎஸ்டி வரி விதிப்பில் சிறிய ரக கார்களுக்கு 28 சதவீத வரி என்று கவுன்சில் விவாதித்து வருகிறது. ஆனால் எது சிறிய ரக கார், எது சொகுசு கார் என்று பிரிக்கப்படவில்லை. இன்ஜின் திறன், காரின் நீளம் ஆகியற்றை பொறுத்துகூட இருக்கலாம் என்றார்.
மாருதி சுசுகி தலைவர் பார்கவா கூறுகையில், ‘‘அனைத்து வகை வாகனங்கள் தரவாரியாக பிரிக்கப்பட்டு ஜிஎஸ்டி வரியை இறுதி செய்த பிறகு தான் கார்களின் விலை நிர்ணயம் குறித்து ஒரு முடிவுக்கு வர முடியும். மத்திய அரசு மற்றும் மாநில அரசு எந்த மாதிரியான வரியை விதிக்கிறது என்பதை பொறுத்து தான் பார்க்க வேண்டும்’’ என்றார். ஆட்டோ மொபைல் உதிரி பாகங்கள் மீது எந்த மாதிரியான வரி விதிக்கப்படுகிறது என்பதையும் கவனத்தில் கொள்ள வேண்டும். மேலும் 18 சதவீத வரி விதிப்புக்குள் ஆட்டோ மொபைல் உதிரி பாகங்கள் வந்தால் வாகனங்களின் விலையும் சற்று குறையும் என்று ஆட்டோ மொபைல் நிபுணர்கள் கருதுகிறார்கள்.
~-~~-~~~-~~-~
Please watch: "Top 10 Total Station for Land survey | Leica topcon trimble"
• Top 10 Total Station for Land survey | Lei...
~-~~-~~~-~~-~