ШАРДАРА АУДАНЫНЫҢ ОРТАЛЫҚ СТАДИОНЫНДА МЕДИЦИНА ҚЫЗМЕТКЕРЛЕРІ АРАСЫНДА СПАРТАКИАДА ӨТКІЗІЛДІ.
Медицина қызметкерлерінің кәсіби мерекесіне орай Шардара ауданында медицина қызметкерлері арасында спартакиада өткізілді.
Медицина қызметкерлері спорттың шағын футбол, арқан тарту, жүгіру, қол күрес сайыстары бойынша қатысты. Тартысты да, қызықты өткен спартакиадада барлық команда мүшелері бар күш жігерлерін салып, спорттанда осал еместіктерін көрсетті.
Сайыс қорытындысы бойынша аудандық аурухананың кәсіподақ төрайымы Анар Сәдуақасқызы жеңімпаз командаларға:
Аурухана әкімшілігі- бірінші орын
103 жедел жәрдем бригадасы-екінші орын
Аудандық емхана-үшінші орын
қаржылай сыйлықтармен және арнайы кубоктарды тапсырып, алғыс хаттармен марапатталды.
Айта кетейік, аталған іс-шара медицина қызметкерлерінің спортқа қызығушылығын арттыру мен олардың арасында салауатты өмір салтын ұстануды насихаттау мақсатында ұйымдастырылды.