Ильхам Шакиров - Саумы, кояш!
Роберт Әхмәтҗанов сүзләре
Мансур Мозаффаров көе
(Музыка: Мансур Музафаров
Слова: Роберт Ахметзянов)
САУМЫ, КОЯШ!
Таралды инде болытлар,
Аязды һавалар.
Иделдә зәңгәр дулкыннар
Ярларга кагалар.
Саумы, кояш!
Саумы, иртә.
Исәнме! — диләр,
Иркәли, иркәли җанны
Ягымлы көйләр.
Күтәрдем ак пәрдәләрне,
Карыйм ерак, ерак…
Яшь көннәрем, мәхәббәтем
Кайтты миңа урап.
Саумы, кояш!
Саумы, иртә,
Исәнме! — диләр,
Иркәли, иркәли җанны
Ягымлы көйләр.
Күзләрем карап туялмый
Ямь-яшел кырларга.
Ак пароход гудоклары
Чакыра юлларга.
Саумы, кояш!
Саумы, иртә,
Исәнме! — диләр,
Иркәли, иркәли җанны
Ягымлы көйләр.