«ҺӨҔҮҤ: сахалыы айымньы» буктрейлер күрэҕэ
Буктрейлер диэн айымньы саамай сүрүн санаатын тиэрдэр уонна чаҕылхай түгэннэрин көрдөрөр ролик буолар. Кинигэни киинэ дуу, ойуулук дуу курдук оҥорон билиһиннэрии. Сүрүн соруга – тустаах айымньыны киһи сэҥээрэн ааҕыан баҕарарын ситиһии, умсугутуу, интэриэһин тардыы. Маныаха видеолары, араас иллюстрациялары, хаартыскалары, графиканы, о.д.а. көрдөрөр-иһитиннэрэр (аудиовизуальнай) ньымалары туһаныаххытын сөп.
Куонкуруска 35-ригэр диэри саастаах ким баҕалаах холонон көрүөн сөп: киинэни устар, таҥар идэтийии ирдэниллибэт.
Куонкурус 2023 сыл олунньу 13 күнүттэн ыам ыйын 27 күнүгэр диэри маннык түһүмэхтэринэн ыытыллар:
-кулун тутар 1 күнүттэн ыам ыйын 13 күнүгэр диэри үлэлэри тутуу;
-ыам ыйын 14 күнүттэн ыам ыйын 24 күнүгэр диэри киирбит үлэлэри сыаналааһын;
-ыам ыйын 27 күнүгэр, Бүтүн Арассыыйатааҕы «Библионочь» аахсыйа чэрчитинэн, Национальной бибилэтиэкэҕэ наҕараадалааһын буолуоҕа
Сиһилии: СӨ Национальнай бибилэтиэкэтин саайтыгар https://new.nlrs.ru/news/9786