الشاب E L L E - حنا الكراميل

Опубликовано: 14 Июль 2026
на канале: C H E B . الشاب

912,174

29k

#حط_النقط_على_الحروف
#هي_هي
#توتّر
#NEO_CHAABI
#POST_CHAABI
#REFLEXIONS

النّص:

يقتلك عادي
عنداك ظهرك
الزمان احمق
و ماشي عاد بادي
و نتي و انا
كي شي صيبانة
و الزمان قد نتي و انا
بدل الزمان بالمخزن هي هي
ولا بشي جماعة اسلامية
الدم مهدور و السعي مشكور طبعا
تعيش محݣور ولا تموت طاعة و سمعا

أهلا أهلا
بݣاع للي نساوهم
حنا المساخيط حنا المواويل
حنا المعاتيه حنا الكراميل
حنا للي بعنا العمر و شرينا الليل
كرفنا الشمش لأول متفائل
و شعلنا پيل

يونو آ يونو
ماشي بيديك زهرك
البحر ازرق واخا ماشي لونو
و نتي و انا
كي شي لبانة
الموري جيعان و الناس جيعانة
بدل انا ب نتا هي هي
كي الدار البيضاء كي العطّاوية
كلشي مجرور و الفاعل مرفوع قطعا
تموت محݣور ولا تعيش طاعة و سمعا

أهلا أهلا
بݣاع للي نساوهم
حنا المساخيط حنا المواويل
حنا المعاتيه حنا الكراميل
حنا للي بعنا العمر و شرينا الليل
كرفنا الشمش لأول متفائل
و شعلنا پيل

وا الخوت آ الخوت
الموت الموت
ماشي بسكوت الݣلب

وا الخوت آ الخوت
و فات الفوت
ماشي بلا ما نعݣب

واخا عاد بادي.

كلمات و ألحان و أداء و بندير و وتار و ݣيطار و كليپ و كلشي داكشي لاخر:
الشاب.

تانميرت😘.

https://cheb.bandcamp.com