Baba Vəziroğlu - Havadan danışır bir gözəl xanım şeir
Səsləndirmə - byguneliyeva
Musiqi - Ölsəm bağışla soundtrack
Müəllif - Baba Vəziroğlu - Havadan danışır bir gözəl xanım
Havadan danışır bir gözəl xanım,
Yağış yağacaqdır,qar yağacaqdır.
Gah günəş çıxacaq,gah ay doğacaq,
Havalar tutulub,açılacaqdır.
Mənim günəşim də ayım da sənsən,
Onu sinoptiklər nə bilir axı ?
Sən bir az qıyğacı baxanda mənə,
Mənim gözlərimdə ildırım çaxır.
Bir güllü,çiçəkli bahar günündə,
Soyuq baxışınla qış gəlir sənin.
Mənim taleyimə yağışlar yağır,
Elə ki gözünə yaş gəlir sənin.
Söz var dolu kimi yağır başıma,
Söz var duman olub yolumu kəsir.
Məndən inciyəndə, məndən küsəndə,
Qəlbimdə sopsoyuq küləklər əsir.
Səni gözləyirəm hələ bilmirəm,
Yağış yağacağmı ? Qar yağacaqmı ?
Mənim bu eşqimin səmalarında,
Havalar tutulub açilacaqmı ?
Havadan danışır bir gözəl xanım.
Hardasa qar tökür,ya yağış yağır,
Hardasa ay batır,ya günəş çıxır,
Mənim günəşim də ayım da sənsən,
Onu sinoptiklər nə bilir axı ??
#ölsəmbağışla #babaveziroglu #babavəziroğlu #şeir #retro #poeziya #1990s #havadandanisirbirgozelxanim