ཁ་བའི་སྙིང་གཏམ། ཕྲིན་ལས་རྒྱ་མཚོ། THINLEY GYAMTSO
ཁ་བའི་སྙིང་གཏམ། ཕྲིན་ལས་རྒྱ་མཚོ། Thinley Gyamtso
གངས་རི་དཀར་པོ་སྲིད་པའི་རྒྱན་རེད།
གངས་ཆུ་སྔོན་མོ་འཛམ་གླིང་སྲོག་རེད།
གནས་འདི་འཆོ་བའི་མི་རིགས་འདི་ནི།
བུ་ཆུང་ང་ཡི་ལུས་ངག་ཡིད་ཡིན།
གསལ་བྱེད་སམ་ཅུ་ང་ཚོའི་རྒྱན་རེད།
ངོ་མཚར་ལོ་རྒྱུས་རང་རེའི་སྟོབས་རེད།
སྔོན་ཐོན་རིག་གནས་རང་རིགས་བློ་ཡིན།
འདི་ནི་ང་ཚོའི་བློ་གྲོས་ཡིན་སོང་།
ང་ཚོ་གངས་ཅན་བོད་པ་ཡིན།
ཁྱིམ་ཚང་གཅིག་གི་མིང་སྲིང་རེད།
ཕ་མ་གཅིག་གི་སྤུན་མཆེད་ཡིན།
ཡང་ཡང་འཛོམས་པའི་སྨོན་ལམ་འདེབས།
དཀོན་མཆོག་གསུམ་པོ་ང་ཚོའི་སྐྱབས་ཡིན།
ལྷ་ཆོས་དཀར་པོ་ཁ་བའི་མགོན་རེད།
མདོ་སྔགས་རིག་གནས་འཛམ་གླིང་གཏེར་ཡིན།
ང་ཚོ་འདི་ཡི་རྒྱུན་འཛིན་པ་ཡིན།
མ་ནི་འབྲི་དྲུག་དབུ་ནག་ཆོས་ཡིན།
སེམས་པ་དཀར་པོ་རང་རེའི་གཤིས་ཡིན།
གཞན་ཕན་ལྷག་བསམ་མི་འགྱུར་བྲག་ཡིན།
འདི་ནི་ཁ་བའི་སྙིང་གཏམ་ཡིན་སོང་།
ང་ཚོ་གདོང་དམར་བོད་པ་ཡིན།
ཁྱིམ་ཚང་གཅིག་གི་མིང་སྲིང་རེད།
ཕ་མ་གཅིག་གི་སྤུན་མཆེད་ཡིན།
ཡང་ཡང་འཛོམས་པའི་སྨོན་ལམ་འདེབས།
ཡང་ཡང་འཛོམས་པའི་སྨོན་ལམ་འདེབས།།