Pünhan Azim - mən Hz Əli (ə) oğlu ədalətli Huseynəm (ə), mən Kərbəla sultani qeyrətli Huseynəm (ə)
Pünhan Azim Məhəmməd oğlu. (Alatavalı), Instagram: "Mərifətim çatdığı qədər.
Hüseynəm.
Aşiqlər olur ismi-şərifimlə müşərrəf
Mən eşq büsatində şərafətli Hüseynəm
İzzətli mələklər mənə təzimdə mükəlləf
Bilməz məni dünya nə fəxarətli Hüseynəm
Mən həqqimə əhdimdə sədaqətli Hüseynəm
Mən cəddimə eşqimdə ləyaqətli Hüseynəm
Mən Həzrət Əli oğlu ədalətli Hüseynəm
Mən Fatimə övladı əsalətli Hüseynəm
Mən Kərbübəla sərvəri qeyrətli Hüseynəm
Mən izzətə izzət verən izzətli Hüseynəm
Şahənələrin şahına şahanə mənəm mən
Ariflərin axtardığı fərzanə mənəm mən
*******
Mahiyyətinin şərhinə aciz qalar idrak
Əlbəttə Hüseynin sözü heybətli nidadır
Ah etsə qaçar məhvəri-dünya uçar əflak
Əlbəttə Hüseynin səsi şiddətli sədadır
Söz sahibi əlbəttə rəisi-şuhədadır
Pirahəni-izzət bizə rəbbani ridadır
Kim zillətə qul tək boyun əymişsə gədadır
İzzətlilərin çarəsi dünyaya vədadıır
Cismim kimi cananıma canım da fədadır
Sussam nə atam Həzrət Əli Şiri-xudadır
Sussam nə anam həzrəti Zəhra nə mənəm mən
Mərdanələrin sevdiyi mərdanə mənəm mən
*******
Mən ləşkəri-hürriyyətə ən şanlı süvari
Mən hərb oxuyan zalimə xəncər çalan aşiq
Mən gülşəni-ülviyyətin ən doğma bahari
Dünyaya fərəh bəxş eləyib dərd alan aşiq
Mən gülləri qoynunda susuzdan solan aşiq
Mən bir qəmi min sinəyə atəş salan aşiq
Mən sineyi-suzaninə qanlar dolan aşiq
Mən həzrəti məşuqinə sadiq qalan aşiq
Mən dəşti-şəhadətdə namazın qılan aşiq
Mən cami-səadətdən içib məst olan aşiq
Hüşyarilərin gəzdiyi mastanə mənəm mən
Aqillərin axtardığı divanə mənəm mən
*******
Qalib gələrək hicrə olub vəslə müyəssər
Bir vadeyi-sevda ara yetmiş iki qurban
Başdan-başa səhrada açılmış güli-əhmər
Ecazımız etmiş quru topraği gülistan
Mən Əsğəri-şeşmahəsi qoynunda verən can
Mən Əkbəri-biçarəsinin bağrı olan qan
Mən Qasiminə ərzü səma valehü heyran
Mən Zeynəbi aşüftə,Rüqəyyası pərişan
Mən qolları şəqq olmuş Ələmdarinə giryan
Mən eşqi könüllərdə gəzən şahi-şəhidan
Sərvərlik edən şah şəhidanə mənəm mən
Ləbtəşnə verən canını cananə mənəm mən"