Ağaxan Abdullayev - "Mahur Hindi" muğamı (dəstgah)
Əziz kanalınızın izləyiciləri! Sizə Azərbaycan muğam sənətinin ustad sənətkarlarından olan mərhum xanəndə, Xalq artisti Ağaxan Abdullayevin (1950-2016) ifasında Rast muğam ailəsinə məxsus "Mahur Hindi" muğamını təqdim edirik. Xanəndəni tarda Xalq artisti Firuz Əliyev, kamançada əməkdar artist İsmayıl Həmidov müşaiyət edirlər. Qəzəllər Məhəmməd Füzulinindir.
- - - - - - - - - - - - - - - - - - - - - - - - - - - - - - -
" M A H U R H İ N D İ "
Oxuyur:
Xalq artisti Ağaxan Abdullayev
Müşayiət edirlər:
tarda Xalq artisti Firuz Əliyev
kamançada İsmayıl Həmidov
- - - - - - - - - - - - - - - - - - - - - - - - - - - - - - -
Qəzəllər (Məhəmməd Füzuli)
Aşiyani-mürği-dil zülfi-pərişanındadır,
Harda olsam, ey pəri, könlüm sənin yanındadır.
Eşq dərdilə xoşam, əl çək əlacımdan, təbib,
Qılma dərman kim, həlakim zəhri-dərmanındadır.
Çəkmə damən naz edib üftadələrdən, vəhm qıl,
Göylərə açılmasın əllər ki, damanındadır.
Gözlərim yaşın görüb şur, etmə nifrət kim, bu həm
Od nəməkdəndir ki, ləli-şəkkər əfşanındadır.
Məsti-xabi-naz olub, cəm et dili-sədparəmi
Kim, onun hər parəsi bir növki-müjganındadır.
Bəs ki, hicranındadır xasiyyəti-qəti-həyat,
Ol həyat əhlinə heyranəm ki, hicranındadır.
Ey Füzuli, şəm tək mütləq açılmaz yanmadan,
Tablar kim, sünbülündən rişteyi-canındadır.
* * * *
Heyrət, ey büt, surətin gördükdə lal eylər məni,
Surəti-halım görən, surət xəyal eylər məni.
Mehr salmazsan mənə, rəhm eyləməzsən bunca kim,
Sayə tək sevdayi-zülfün payimal eylər məni.
Zəfi-tale, manei-tovfiq olur hər necə kim,
İltifatın arizməndi-vüsal eylər məni.
Mən gəda, sən şahə yar olmaq yox, əmma neyləyim,
Arizi sərgəşteyi-fikri-məhal eylər məni.
Tiği-qəmzən atma kim, bağrım dələr, qanım tökər.
İqdi-zülfün açma kim, aşüftəhal eylər məni.
Dəhr vəqf etmiş məni növrəs cavanlar eşqinə,
Hər yetən məhvəş əsiri-xəttü-xal eylər məni.
Ey Füzuli, qılmazam tərki-təriqi-eşq kim,
Bu fəzilət daxili-əhli-kəmal eylər məni.
* * * *
Dil ki, sərmənzili ol zülfi-pərişan olmuş,
Nola cürmi ki, asılmasına fərman olmuş.
Şahisən mülki-məlahətdə, sənə qullar çox,
Biri oldur ki, varıb Misrdə sultan olmuş.
Rəhm edib aşiqini həşr günü yaqmayalar
Ki, bu dünyada əsiri-qəmi-hicran olmuş.
Dedilər qəm gedirər badə, çox içdim, sənsiz
Qəmi-hicranə müfid olmadı ol qan olmuş.
Bağibani-çəməni-dəhrə xəyali-dəhənin
Səbəbi-tərbiyəti-qönçeyi-xəndan olmuş.
Adəm əvvəl səri-kuyin verib almış cənnət,
Eşidib təni-mələk, sonra peşiman olmuş.
Ey Füzuli, mənim əhvalimə bir vaqif yox,
Böylə kim, aləm onun hüsnünə heyran olmuş.
- - - - - - - - - - - - - - - - - - - - - - - - - - - - - - -
MAHUR HİNDİ
Dəraməd 00:06 - 01:16
Bərdaşt 01:16 - 02:25
Mayə 02:25 - 06:10
Rəng 06:10 - 06:54
Üşşaq 06:54 - 09:52
Hüseyni 09:52 - 11:03
Rəng 11:03 - 11:50
Vilayəti 11:50 - 15:10
Rəng 15:10 - 15:49
Şikəsteyi-fars 15:49 - 20:26
Rəng 20:26 - 21:15
Əraq 21:15 - 22:22
Qərai 22:22 - 22:30
Mahura əyaq 22:30 - 22:59
- - - - - - - - - - - - - - - - - - - - - - - - - - - - - - -
Sosial media hesablarımız:
Facebook : Fuad Ramazanov https://www.facebook.com/fuad.ramazan...
Instagram : ramazanovfuad https://instagram.com/ramazanovfuad?i...
WhatsApp ilə əlaqə
+994 77 403 60 04
- - - - - - - - - - - - - - - - - - - - - - - - - - - - - - - - -
F U A D R A M A Z A N O V
Yeni muğamlar dinləmək üçün kanalımıza abunə olmağı unutmayın!