Tariyel Məmmədovla son müsahibə - 2021
Kanalımızın dəyərli izləyiciləri!
11 fevral 2024-cü il tarixində dəyərli ziyalı, sevimli şair və bəstəkar Tariyel Məmmədov ömrünün 85-ci ilində aramızdan ayrılmışdır. Bu xəbər onu sevənlər kimi bizi də dərin sarsıtmışdır. Fuad Ramazanov YouTube kanalı adından dəyərli Tariyel müəllimə Allahdan rəhmət, xanımı Fazilə müəlliməyə, övladlarına və onu sevənlərə dərin hüznlə başsağlığı veririk.
Sizə Tariyel Məmmədovun əziz xatirəsinə həsr olunmuş video müsahibəni təqdim edirik. Tarixi müsahibə 2021-ci ilin yay aylarında Tariyel Məmmədovun Sərkarda yerləşən ata yurdunda lentə alınıb.
Peşəkar elektrik mühəndisi, həvəskar bəstəkar və şair Tariyel Zeynal oğlu Məmmədov 1939-cu il noyabr ayının 20-də keçmiş Səfərəliyev, indiki Samux rayonunun Sərkar kəndində ziyalı ailədə anadan olmuşdur. Tariyel Məmmədov 1955-ci ildə Nizami adına Sərkar kənd tam orta məktəbini bitirərək elə həmin il Azərbaycan Sənaye İnstitutunun energetika fakültəsinə qəbul olur. 1961-ci ildə institutu bitirərək energetika mühəndisi ixtisasına yiyələnmişdir.
Tariyel Məmmədovda musiqiyə maraq uşaqlıq illərindən yaranır. Gözünü açandan evdə atasının tarını görən kiçik Tariyel, elə uşaqlıqdan bu alətə bağlanır və sonralar bu sevgi onun musiqiyə gəlməsinə səbəb olur. Tələbəlik illərində gənc Tariyel ali təhsillə bərabər eyni zamanda musiqi təhsili də alır. Əvvəlcə o, Bakı şəhər 2 nömrəli musiqi məktəbinin tar sinfini, daha sonra isə Bakı Dövlət Konservatoriyasının nəznində o dövrdə fəaliyyət göstərən Bakı Xalq Konservatoriyasının 3 illik bəstəkarlıq sinfini bitirir. Tariyel Məmmədov bu təhsil ocağında musiqi biliklərini təkmilləşdirir və bəstəkarlıq sənətinin sirlərinə yiyələnir. Onu da qeyd etmək lazımdır ki, kursda dərslər axşamlar keçilirdi.
Həmin illərdə istedadlı gənc Tariyel ki Sovet senzurası dövründə Tariyel Məmmədovun mahnılarını Şövkət Ələkbərova, İlhamə Quliyeva, Yaşar Səfərov və Elxan Əhədzadə kimi azman sənətkarlar ifa edir. Bundan başqa bəstəkarın nəğmələrinin ifaçıları arasında Şamo İsayev, Sabir Əliyev, Əliyar Məmmədov, Səttar Nəsirov kimi o dövrdə populyar olan istedadlı ifaçılar da yer alır.
2013-cü ildə bəstəkarın əksəriyyəti vətənpərvərlik ruhunda yazılmış 18 mahnıdan ibarət "Al Qarabağı" adlı diski işıq üzü görür. Mahnıların ikisinin söz müəllifi də Tariyel Məmmədovdur. Hazırda bu mahnınılar Yuotube səhifəsində "Tariyel Məmmədovun mahnıları" adı altında mövcuddur.
Mahnı yaradıcılığı fəaliyyəti ilə yanaşı o eyni zamanda ədəbi fəaliyyətlə də məşğul idi. Şeiriyyat xiridarlarına Tariyel Vətənyar kimi tanış olan şairin 2014-cü ildə Bakı şəhərində Zərdabi-LTD Nəşriyyat-Poliqrafiya müəssisəsində müxtəlif dövrlərdə yazdığı şeirlərdən ibarət "İşıqlı, musiqili, poeziyalı ömür səhifələri" adlı ilk kitabı nəşr olunur. Tariyel Vətənyar gözəl bəstəkar olmaqla yanaşı həm də sevilən söz adamı idi. Şairin şeiriyyatda özünə Vətənyar təxəllüsü seçməsi də təsadüfi deyildir. Tariyel müəllim Vətəninə, elinə, yurduna bağlı sənət adamlarından idi. Şair ilk kitabında yer alan doğma ata yurdu Sərkara həsr etdiyi şeirində səfalı kəndini vəsf edərək, kəndin dünəni və bugünü arasında olan fərqi gənc oxucusuna çatdırmağı hədəf seçir.
Hardasa bir yuvam var
Məni qəlbən duyan var.
Ora əziz, uludur
Ora ata yurdudur.
Bağlı-bağatlı kəndim,
Sərvan bulaqlı kəndim.
Bugünü mersedesli
Dünəni atlı kəndim.