Kommunizm Haqqında Tarixi Həqiqətlər
Kommunizm 20-ci əsrə qan, göz yaşı, zülm və təzyiqlə damğasını vurmuş bir ideologiyadır. Tarixi mənbələrdən əldə edilən məlumatlara əsasən, bu ideologiya təkcə 20-ci əsrdə 120 milyon insanın ölümünə səbəb olmuşdur. Bu insanlar hər hansı müharibədə, cəbhədə ölən əsgərlər deyil, kommunist dövlətlərin öz ölkələrində qətlə yetirdikləri vətəndaşlarıdır.
Kommunizm adlandırılan bu mərhəmətsiz ideologiya təkcə insanları vəhşicəsinə qətlə yetirməklə kifayətlənməmiş, on milyonlarla insanın hüquq və azadlıqlarını əllərindən almış, onları öz evlərindən, ölkələrindən didərgin salmış, kütləvi şəkildə qıtlığa məruz qoymuş, haqsız yerə həbs etmiş, iş düşərgələrində kölə kimi işlətmişdir. Milyonlarla insan ya kommunist-partizan qruplarının, terror təşkilatlarının güllələrinə tuş gəlmiş, ya da bu qorxu ilə yaşamışdır.
Kommunist ideologiyanın hakim olduğu ötən əsr əzab-əziyyətlərlə, fəlakətlərlə yadda qaldı. Kommunist liderlərin qırğınlarına, mərhəmətsizliklərinə bütün dünya şahid oldu.
Bəs bu təhlükə tamamilə aradan qalxıbmı? Çox təəssüf ki, yox. Ötən əsrdə 120 milyon insanı qətlə yetirən “qan tökmə quyusu” hələ də dünya üçün çox ciddi təhlükə təşkil edir. Sadəcə bu dəhşət quyusunun üstü örtülüb və gizlədilib.
Dövrümüzdə kommunizm məşhur “bir irəli, iki geri taktikası”nı tətbiq edərək geri addım atmışdır. Ona görə də fəaliyyətlərini müxtəlif ölkələrdə fərqli adlar altında davam etdirir. Gələcəkdə atacaqları “irəli” addımı üçün dünyanı kommunizm təhlükəsinin qalmadığına inandırmağa çalışırlar.
Sovet İttifaqının və Şərq Blokunun süqutu ilə kommunizm ideologiyasının da süqut etdiyini, dünya üçün artıq heç bir təhlükə təşkil etmədiyini düşünmək səhv olar. Kommunizm dialektik materializmin siyasi nəzəriyyəsidir. Dialektik materializm süqut etmədikcə kommunizm əsla süqut etməz.
Əgər cəmiyyətdə hər hansı bir fəlsəfə hələ də kifayət qədər güclüdürsə o, siyasi cəhətdən hərəkətə keçmək üçün “uyğun şəraiti” gözləyir. Dialektik materializmin də güclü və məşhur fəlsəfə olduğunu nəzərə alsaq, siyasi təzahürü olan kommunizmin də uyğun şərait yaranan kimi çox təhlükəli əyani qüvvəyə çevriləcəyinə heç şübhə yoxdur. Buna görə materialist təbliğatın geniş-miqyaslı aparıldığı bu dövrdə kommunizm təhlükəsinin aradan qalxdığını söyləmək doğru olmaz. Kommunizm ideologiyası süqut etməyib, dialektik materializmin əsas qanununa uyğun olaraq, iki addım geri çəkilib.
Hiyləgərcəsinə gizlənərək, müxtəlif simalarla, müxtəlif adlarla fəaliyyətlərini davam etdirir. Keçmişdəki kimi, bəşəriyyətə əzab vermək üçün fürsət tapacağı günü gözləyir.
Kommunizm batil bir düşüncədir. Düşüncəni isə yalnız düşüncə ilə məğlub etmək mümkündür. Buna görə, Allahın izni ilə, darvinizm ancaq anti-darvinizm, materializm də anti-materializm fikri mübarizəsi ilə məğlub olacaqdır. Aləmlərin Rəbbi, sonsuz qüdrət sahibi uca Allahın bir ayədə bildirdiyi kimi “haqq gələcək” və “batil yox olacaq”:
De: “Haqq gəldi, batil puç olub getdi. Həqiqətən də batil puçluğa məhkumdur!” (İsra surəsi, 81)