Подкаст. Ермек Мезібаев
«Жаттықтырушы тәрбиесіне алған спортшыны дайындап қана қоймайды, оның тамақтану мәселесіне де үлкен мән береді. Жаттығу кезінде кез келген спортшыда кездесетін сұрақ – салмақ түсіру. Осы салмақ түсіру мәселесін, тамақтану мәселесін көп зерттедік. Диетолог маманмен ақылдастық. Москвадан танымал диетологты айына бір жарым миллион теңге төлеп, жалдадық. Ол маман бізге әр күнге тамақтану жолын көрсетіп отырды. Негізгі мақсат сол кездегі құнарлы да энергия бере алатын тамақ тұтыну және салмақ қоспайтындай, жеткілікті мөлшерде тамақ ішу болды. Сізбен сөйлесіп, «Астал» өнімі жайлы білгеннен кейін, өнімді бірінші өзім қабылдап, іштім. Тура сол, диетологтың нұсқауымен жеткен нәтижеге «Астал» өнімін ішіп жеттім. Негізі, кезінде ата-бабамыздың аттан түспей, ұзақ жолда шалдықпай жүруі сол кезде тұтынған тағамдарының энергетикалық құнарлығының арқасы екеніне көзім жетті. Енді өз отбасыма және достарыма «Астал» өнімін ұсынып отырмын».
Бұл – «АСТАЛ» жайлы пікір. Пікір иесі – самбо, дзюдо және қазақ күресінен спорт шебері, Азия чемпионы, Әлем кубогының күміс, қола жүлдегері Қайырбаев Айдар Дәулетқажыұлы. Ал спортшы жарнамалап отырған талқаннан жасалған бұл тағам – семейлік кәсіпкер, «Адал ас» брендімен ұлттық тағамдар шығарып келе жатқан отандық өндіруші Ермек Мезібаевтың ашқан жаңалығы, желіге шығарған жаңа өнімі. Бұған дейін республика жұртшылығына шибауырсақты танымал еткен ол енді жаңа өнім «Асталдың» да жолы боларына сенімді. Себебі «Астал» – еш жасанды қоспасыз, денсаулыққа өте пайдалы, микроэлементтер мен дәрумендерге бай.