«Асар» спорттық-оңалту орталығы
Кейде бизнес ашу – ақша табудың жолы емес, төтенше жағдайдан шығудың амалы болатын жағдайлар болады. Талдықорғандық Елдос Баялышбаев жол апатына ұшырап, төсекке таңылып қалғанда болашақта кәсіп ашып, өзі секілді жандарға жағдай жасап, оңалуына көмектесем деген ой бірден басына келмеген де шығар. Күнделікті жаттығулардың арқасында ол екі жылдан кейін аяққа тұрды. Дәл сол кезде оған спортзал ашу және басқа мүгедектерге көмектесу жайлы идея келді. Қазір ол ашқан залға елдің барлық аймақтарынан науқастар келеді, денсаулығын түзейді.