«Ғасырлар қазынасының шежіресі»
«Ғасырлар қазынасының шежіресі» айдарының қонағы - дәстүрлі халық әндерін орындаушы, республикалық, халықаралық, облыстық өнер байқауларының жеңімпазы Қайрат Майжаров.
Кездесу кейіпкері өзінің ұлттық әнге деген құштарлығы, кәсіби шыңдалуы, шығармашылық репертуарының қалай толығып жатқаны, сирек кездесетін әндер мен олардың авторлары туралы әңгімеледі. Қайрат – өнердегі ұстаздары жайлы, қазіргі таңдағы «Ән Сал-Дар» тобы туралы кеңінен толғады. Сондай-ақ шараға келген оқушылар да әншіге жылы лебіздерін білдіріп, өз кезегінде бірнеше әндер шырқады. Оқушылар тапсырма бойынша берілген: «Әуенді тап!», берілген әріптер бойынша ән немесе әншінің атын табу, сал-серілерге қатысты бұйымдарды атады.
Қатысушылар қонақтың орындауындағы өткен ғасырлар қойнауынан бізге жеткен таңғажайып музыкалық мұраны тыңдап, эстетикалық ләззат алды.