Уатхан Жүнісовтың «Ұрпақтарға аманат» атты ғылыми еңбектерінің тұсаукесер кеші өтті.
Кітапханамызда ҚР білім беру ісінің құрметті қызметкері, ҚР құрметті азаматы, Қазақстанның құрметті профессоры, Тәуелсіз елдің құрметті педагогы, ТМД үздік педагогы, қазақ өнерінің қайраткері, күйші-композитор Уатхан Жүнісовтың «Ұрпақтарға аманат» атты ғылыми еңбектерінің тұсаукесер кеші өтті.
Аталмыш шараға музыкант ағамыздың әріптестері, достары - «Қазақстан авторлар қоғамы» республикалық қоғамдық бірлестігінің бас хатшысы, «Таңжарық» зерттеу қор қоғамының президенті Мұқан Мамытхан, Қазақстан «Халық» партиясы төрағасының орынбасары Асылбеков Асхат Зейноллаұлы, Қазақстан «Халық» партиясы филиалының ШҚ облысындағы басшысы Қайрат Мусин, сондай-ақ ақындар мен жазушылар қатысты. Шараның мақсаты – Мемлекеттік тіл аясының кеңеюіне, халық өнерінің өркендеуіне, жастарды өнерді сүйіп қадірлеуге және олардың рухани өмірге белсене араласуына қолдау көрсету болып табылды.
Шара барысында қонақтар Уатхан ағаның еңбектеріне жоғары баға беріп, шығармашылығының өркендеуіне табыс тіледі. Аталмыш шара Д.Серікбаев атындағы ШҚТУ студенті Жайдар Жақсыгелдінің композитордың әнін орындауымен аяқталды. Шара қатысушыларға рухани азық беріп, жақсы көңіл-күй сыйлады.