قري إيطاليه تدفع 33 ألف دولار للعيش فيها !
فى منطقة كالابريا الإيطاليه فيه كذا قريه بتدفع أموال للعيش فيها المبلغ إلى بيتدفع لحضرتك عشان تعيش هناك مايوازي أكتر من 33 ألف دولار أمريكي بالرغم من أنه المكان هناك تحفه تحفه تحفه مناظر طبيعيه و خدمات حكوميه زى الكهربا و المايا و الطرق أحب أقولك أنك هتعيش سنين طويله جداً فى المنطقة دى من غير ماتدفع كمان تكلفة الخدمات بل و هتاخد الـ 33 ألف دولار على مدار 3 سنين يعنى كل سنه حوالي 11 ألف دولار أو ما يوازي الـ 185 ألف جنيه مصري طيب أيه إلى يخلى حكومة إيطاليا تدفع فلوس بالمنظر ده و ليه ؟ أكيد الحكاية فيها أنه ! ماحنا عارفين أنه الحدايه مبترميش كتاكيت و كل حكومات دول العالم تعتبر أشرس من الحدايه كمان أيه القصه بالظبط ؟ القصة سيدي الاكسلانص الفاضل بحسب كلام عمدة قرية التومونتى إلى أسمة صعب شويه و يا رب أنطقه صح جيانبييترو كوبول أنه الهدف من كل ده شئ سهل و بسيط جداً أنه القري دى أهلها زمان هاجروا للمدن و بالتالى الأماكن دى بقيت فاضيه تماماً من السكان و الهدف من عودة الناس مش مجرد المعيشه فى الأماكن دى بس أيوة خشلى التقيل بقى الهدف هو تعزيز الإقتصاد المحلى و بث حياة جديدة فى المجتمعات الصغيره و لكن بشرط أنك تفتح مشروع تجاري أو محل تجاري و برضه الحكومة الإيطاليه هتدفع جزء كبير من تكلفة النشاط التجاري ده و ده كان تصريحه لشبكة سي أن أن طيب لو هنيجي نبص للمواطن الإيطالي كده هيستفيد أيه و هيخسر أيه أولاً هيستفيد سكن مجانى و الحكومة هتستفيد أنه المنطقة أتعمرت ثانياً هيستفيد معونه ضخمه جداً لمدة 3 سنين ثالثاً هيأمن لنفسه نشاط تجاري و استقرار اقتصادي بالنسباله رابعاً هيوفر خدمات لأهالى المنطقة و بعد الـ 3 سنين دول و تعمير المنطقة أحب أقولك أنه إيطاليا هتستفيد هيا كمان حتي بعد المصاريف دى أولاً التعمير هيرفع من سعر المنطقة و المناطق المجاورة ثانياً السياحه فى المناطق دى هيجيبلها دخل و عملات أجنبيه ثالثاً و ده الأهم هتريح دماغها من زن المواطنين و الحاله الإقتصاديه تقدر تقول كده الناس دى بتفكر لأدام و تعالى قابلنى بعد 4 سنين شوف المتر هناك هيبقى بكام
#مدن_تدفع_للمواطنين #اللهو_الخفي
موقع اللهو الخفي http://www.lho5fy.com
قناة اليوتيوب / lho5fy
صفحة الفيسبوك http://fb.me/ellhoel5fy
جروب الفيسبوك / lho5fy
تويتر / lho5fy
تيك توك lho5fy
رديت / lho5fy
لينكد إن / lho5fy
تمبلر / lho5fy
برينتست / lhofy
للمراسلات التجارية راسلنا على البريد الإليكترونى
For business inquires please use this E-Mail
[email protected]