قصة حمار سوريا | اللهو الخفي
عمرك سمعت عن قصة حمار سوريا ؟ أو المزارع إلى خاف على بلده فى مقابل أنه يكسب فلوس و بالحلال ؟ تعالى أقولك الحدوته من البدايه حدوته إنهاردة حصلت فى الشام و بالتحديد فى دمشق سنة 1898 فى زيارة للأمبراطور الألمانى غليوم التانى دمشق خرجت البلد بالكامل عشان تحتفل بالزيارة العظيمه دى خلال الإستقبال و عند مدخل القلعه زوجة غليوم لاحظت حمار أبيض جميل جداً لدرجة أنه أثار أنتباها بشكل كبير جداً طلبت من والي دمشق مصطفى عاصم باشا أنها تشتري الحمار من صاحبه عشان تاخده معاها تذكار لبرلين الوالي بحث عن صاحب الحمار و كان أسمة أبو الخير تللو طلب منه شراء الحمار بمبلغ كبير جداً و لكنه رفض بشكل قوي جداً و قال للوالي يا أفندينا أنا عندى 6 من الخيول الجياد لو عايزنى أديهم للأمبراطورة هديه كمان معنديش مشكلة لكن الحمار لأ فأستغرب الوالي من الرفض الشديد و أنه ممكن كمان يضحى بالخيول إلى سعرها أغلي من الحمار و سأله ليه ؟ فقاله يا سيدي لو خدوا الحمار لبلادهم هتكتب كل جرائد ألمانيا و أوروبا عنه و طبيعي جداً هيتسأل الحمار ده منين ؟ فهيترد عليهم من الشام فهيبقى الحمار معروف بأسم حمار الشام وهيتقال أنه أمبراطورة ألمانيا ملقتش أي حاجة تعجبها فى الشام إلا الحمار عشان كده أنا مستحيل أبيعه و ده عشان ميمرش الزمن و يتقال أنه كان في يوم من الأيام فيه هديه من الشام أسمها حمار الشام رجع الوالي للأمبراطور و الامبراطورة و حكالهم القصه العجيبه دى لدرجة أنه الأمبراطور أحترم فى أبو الخير وطنيته لذلك منحه وسام رمزي من ألمانيا العلم عند الله القصه حقيقيه ولا من وحي الخيال و ده لأنه الحاضر بيتزيف أدام عينا مابالك بالتاريخ و لكن ممكن نفهم من القصه دى أيه أنه فيه ناس بتخاف على سمعة بلادهم أنها تتمس بالسوء حتي لو كان في حاجة بسيطة زى إلى ذكرناها دى و لكن فيه بشر بعقلية حمير عايشه حالياً وسطنا بتبيع البلد كلها بتبيع اثارها بتبيع تاريخها لدرجة أنها ممكن تبيع دم شعوبها و بلا مقابل كمان
#حمار_الشام #حمار_سوريا #اللهو_الخفي
موقع اللهو الخفي http://www.lho5fy.com
قناة اليوتيوب / lho5fy
صفحة الفيسبوك http://fb.me/ellhoel5fy
جروب الفيسبوك / lho5fy
تويتر / lho5fy
تيك توك lho5fy
رديت / lho5fy
لينكد إن / lho5fy
تمبلر / lho5fy
برينتست / lhofy
للمراسلات التجارية راسلنا على البريد الإليكترونى
For business inquires please use this E-Mail
[email protected]