Майа сэлиэнньэтигэр Оҕо көмүскэлин күнэ.
Майа сэлиэнньэтигэр Комсомольскай болуоссакка "СИР СИЭДЭРЭЙ СИМЭХТЭРЭ" аан дойдутааҕы оҕо көмүскэлин күнэ өрө көтөҕүллүүлээхтик ыытылынна, элбэх оҕолор, Майабыт олохтоохторо тоҕуоруһа муһуннулар. Тэрээһин улууспут баһылыга Дмитрий Тихонов, СӨ социальнай сайдыы уонна үлэ миниистирэ Елена Теплякова уо.д.а кыттыылаах "Мин маҥнайгы хамнаһым" өрөспүүбүлүкэтээҕи бырайыак арыллыытынан саҕаланна, салгыы эҕэрдэтин Майа сэлиэнньэтин баһылыга Алексей Неустроев тириэртэ, сайын Майаҕа үлэлиир волонтер оҕолорго бастакы үлэ киниискэлэрин туттарда, "Кыайыы түннүгэ" акциянан ыытыллыбыт күрэххэ куоластааһыҥҥа кыайыылааҕынан тахсыбыт Тамара, Ян Мохначевскайдарга пластиковай түннүк оҥотторорго 10 тыһ.сууммалаах сертификат туттарда.
Майа "Кэнчээри", "Мичил", "Сардаана", "Чуораанчык" уһуйааннарын, М.К.Попова аат. оҕо искусствотын оскуолатын, "Кыталык" үҥкүү народнай ансаамбылын, Майатааҕы эдэр көрөөччү театрын иитиллээччилэрэ, Арылхан Касьянов кыттыылаах эҕэрдэ кэнсиэри мустубут дьон сэҥээрэ көрдүлэр.
Араас көрдөөх күрэхтэр, оонньуулар, аттракционнар кырачааннар, төрөппүттэр болҕомтолорун тартылар, атыы-тутуу үгүс буолла.
Күрэхтэһиилэргэ кыттыбыт, кыайбыт оҕолорго Майа сэлиэнньэтин урбаанньыттара туруорбут бириистэрэ туттарыллан үөрүү үксээтэ.
Бары Майабыт олохтоохторун ОҔО КӨМҮСКЭЛИН КҮНҮНЭН ИТИИТИК-ИСТИҤНИК ЭҔЭРДЭЛИИБИТ 🎈🎈🎈
Дьоллоох буолуҥ, доруобай буолуҥ, оҕолорбут ийэ-аҕа тапталыгар угуттанан этэҥҥэ улааттыннар☀️☀️☀️