Мэҥэ Хаҥалас улууһун, Майа сэлиэнньэтин ыһыаҕын түгэннэрэ. "Майа сайына". 15.06.2024
Бэс ыйын 15 күнүгэр Ураһалаах алааска Мэҥэ Хаҥалас улууһун ыһыаҕын сэргэ "Майа сэлиэнньэтэ" тыа сирин түөлбэтин ыһыаҕа ыытылынна. Майа дьоно-сэргэтэ улуустааҕы ыһыах бары тэрээһиннэригэр сылдьаллар, күрэхтэргэ кытталлар. Майа түһүлгэтигэр Майа олохтоохторугар анаан үөрүүлээх быһыыга-майгыга баһылык Неустроев Алексей Иннокентьевич "Майа сэлиэнньэтин бочуоттаах олохтооҕо" бочуоттаах ааты Майабыт 17 үтүө үлэһит дьонугар, ытык кырдьаҕастарга, "Майа-дойдум барахсан" бэлиэни үлэлээн-хамсаан сэлиэнньэни сайыннара сылдьар бастыҥ дьоммутугар, грамоталары биирдиилээн уопсастыбанньыктарга туттарда. Майа түһүлгэтигэр кэлэн ыалдьыттаата СӨ Ил Түмэн судаарыстыбаннай мунньаҕын дьокутаата, "Саха" НКИХ генеральнай дириэктэрэ Олег Олегович Марков. Үөрүүлээх чаас арыллыытыгар уонна эҕэрдэ кэнсиэргэ кыттыыны ыллылар: "Кэнчээри" оҕону сайыннарар киин иитиллээччилэрэ, сэбиэдиссэй Е.П.Романова, музыкальнай салайааччы Н.В.Андреева, Ф.Г.Охлопков аат.Майа орто оскуолатын 3 "б" кылааһын үөрэнээччилэрэ төрөппүттэринээн, кылаас салайааччыта Е.Н.Чичахова, "Кыталык" үҥкүү народнай ансаамбыла, уус-уран салайааччы А.П.Соловьева, "Алгыс" бэтэрээннэр кулууптара, сал.Е.Н.Мосоркина, Майабыт ырыаһыттара - Сардаана Осипова, Алена Ефимова, Константин Скрябин, Алена Скрябина, Алексей Слепцов, Василий Марков, Денис Григорьев, Дмитрий Иванов, Линда Захарова, Саргылана Павлова, Мария Иванова уонна кырачаан ырыаһыппыт Архан Алексеев.
Эбиэттэн киэһээ Майа түһүлгэтигэр оҕолорго араас спортивнай күрэхтэр уонна конкурстар ыытылыннылар.
Онтон ыһыах түмүктээниитигэр сиэр-туом түһүлгэтигэр күнү көрсүү сиэрин-туомун Д.Ходулов аатынан норуот айымньытын дьиэтин кэлэктиибэ тэрийэн ыытта. Сиэргэ-туомҥа кыттыыны ыллылар: Руслан Габышев- СӨ култууратын туйгуна, СӨ норуотун маастара, Ульяна Ефремова-СӨ култууратын туйгуна, СӨ үтүөлээх оһуохай этээччитэ, Валентина Кривошапкина-СӨ култууратын туйгуна, "Кыталык" үҥкүү народнай ансаамбыла, И.М.Сосин аатынан кииннэммит библиотека кэлэктиибэ, дириэктэр М.А.Никанорова уонна биирдиилээн доҕотторбут, дьүөгэлэрбит. Алгыс сиэрин-туомун толордо З.И.Игнатьев- түсчүт Зиновий.
Сайыммыт барахсан өлгөм үүнүүнү аҕаллын, барыта этэҥҥэ буоллун!
Үрүҥ Тунах ыһыаҕынан!
Уруйдан, чөл олох, айхаллан, дьиэ кэргэн!
#чөлмайа