Dilshad Araz-Səsləndirmə Xanım Əliyeva
Səni yandıran odun ,
Hansı meşədə bitib!?
Qəlbi ağlayan "qadın",
Dərtlərin bar gətirib?
Nə ad verib ağladın,
Bəxtin qara rənginə?
Kimlər barıt qoymadı,
Sevginin tüfənginə?
Ay əlləri çiçəkli,
Ürəyi güllü qadın!
Şəkil kimi bəzəkli,
Həyatı bəlli qadın!
Susmağın səsi yoxdu,
Kimsəsi ,kəsi yoxdu,
Sənə sevirəm deyən,
Bir dənə" kişi" yoxdu!?
Ürəyi kin qapısı,
Dili bəddua "qadın",
Eşqin dəmir sopası,
Dəydi,necədi dadın!?
Dilşad Araz