Xanım Əliyeva-Bakı gedənlərindi- Nizami Bayramlı
Bakı gedənlərindi
şeirin müəllifi: Nizami Bayramlı
musiqi: Aygün Səmədzadə - Bakı haqqında nağıl
piano: Rövşən Yusifov
Bakı bizim deyil ki,
Bakı, gedənlərindir.
Gülüm, elə bu şəhər
Əsl sənin yerindi.
Əsl mənim yerimdi.
Biri gətirdiyini itirir bu şəhərdə,
Biri də sevgisini bitirir bu şəhərdə.
Bu şəhərə gələndən,
şairliyin duzunu, dadını çıxartmışam.
Adımı yaddaşından unutdura bilmişəm,
Yaddaşımın kökündən adını çıxartmışam.
Bu şəhərə gələndən,
söz yaza bilməyimdən çox, götürən olmuşam.
Bu şəhərə gələndən, gözlərim də düzəlib,
uzaqgörən olmuşam.
İndi növbə sənindir, buyur, mənə xəyalın,
Bir vaxtlar düşündüyün əziz Bakından danış.
Bulvar xoşbəxtliyindən,
Balaca körpənizdən, yanındakından danış.
Yalandan aldadırdın, əlinlə göstərirdin,
guya məni həyatda bu qədər istəyirdin.
Elə ən maraqlısı budur, qəddarcasına
Mən kədər istəyəndə, sən şəhər istəyirdin.
İndi özün bilərsən, o bulvar, mavi dəniz,
Bakı, küləkli hava o yoldaşın o da siz.