Vedesha Teertha Stotram | With Lyrics

Опубликовано: 16 Июль 2026
на канале: Daasoham

4,028

171

Written by Sri Satyatma Teertharu.

श्रीवेदेशतीर्थस्तुतिः

छांदोग्यभाष्यटीकायाः कर्तारं ज्ञानिपुंगवम् ।
सामसामोपासकं च वंदे वेदेशयोगिनम् ॥१॥

वरकाठकभाष्यस्य टीकायाः प्रभवं मुनिम् ।
मुक्तनाथोपासकं च वंदे वेदेशयोगिनम् ॥२॥

भाष्यं तलवकारस्य व्याख्यातं येन सौष्ठवात् ।
देवोत्तमोपासकं तं वंदे वेदेशयोगिनम् ॥३॥

तत्वोद्योतस्य टीकाया व्याख्यातारं बुधां वरम् ।
मुक्तभिन्नोपासकं च वंदे वेदेशयोगिनम् ॥४॥

तत्वनिर्णयटीकाया व्याख्यां कृत्वा सुबोधकम् ।
गुणपूर्णोपासकं च वंदे वेदेशयोगिनम् ॥५॥

मानलक्षणटीकाया व्याख्यातारं विपश्चितम् ।
मानत्वदोपासकं च वंदे वेदेशयोगिनम् ॥६॥

प्रमाणपद्धतेष्टीकां विरचय्योपकारकम् ।
मानमेयोपासकं च वंदे वेदेशयोगिनम् ॥७॥

रघूत्तमाप्तसद्विद्यं रघूत्तमपदार्चकम् ।
यदूत्तमोपदेष्टारं वंदे वेदेशयोगिनम् ॥८॥

यादवार्ये शास्त्रदीक्षां प्रतिष्ठाप्य निरंतरम् ।
व्याख्याने प्रेरयंतं तं वंदे वेदेशयोगिनम् ॥९॥

विरक्तिभक्तिभूषणं ह्यनंतशक्तितोषणम् ।
दुरुक्तियुक्तिदूषणं श्रुतीशघोषणं भजे ॥१०॥

वेदव्यासकृपापात्रं वेदव्यासगुरोः प्रियम् ।
नतवेदव्यासतीर्थं वंदे वेदेशयोगिनम् ॥११॥

रघूत्तमाज्ञया मूलरामचंद्रस्पृशं मुनिम् ।
टिप्पण्याचार्यसच्छिष्यसंप्रदायप्रवर्तकम् ॥१२॥

श्रीमदानंदतीर्थीय भाष्यं व्याख्यातुमंजसा ।
योग्यस्तमेव व्याचक्ष्वसर्वं भाष्यं यथामति ॥१३॥

इति विश्वासभरतः परमानुग्रहेण च ।
आचार्येण समाज्ञप्तं स्वप्नेस्वप्नवरेण हि ॥१४॥

शास्त्रावमर्षनासक्तं शास्त्रप्रवचने रतम् ।
टिप्पणीरचनाचुंचुं वंदे वेदेशयोगिनं ॥१५॥

श्रीरामपूजानिरतं व्यासापचितिभूषणम् ।
यादवोदयसद्दीक्षं वंदे वेदेशयोगिनम् ॥१६॥

साधनाध्यायसंसक्तमाधवार्यसमीपगम् ।
साधनाचरणासक्तं वंदे वेदेशयोगिनम् ॥१७॥

भीमशास्त्रांबुधौ मग्नं भीमातीरनिवासिनं
केशवासक्तमनसं वंदे वेदेशयोगिनम् ॥१८॥

सत्यात्मभिक्षुरचितं वेदेशस्तवनं शुभम् ।
यः पठेत् शृणुयाद्भक्त्या स भवेदिष्टसिद्धिमान् ॥१९॥

इति श्रीसत्यात्मतीर्थविरचितं श्रीवेदेशतीर्थस्तोत्रम्

shrivedeshatirthastutih

chhandogyabhashyatikayah kartaram jnyanipungavam .
samasamopasakam cha vande vedeshayoginam ..1..

varakathakabhashyasya tikayah prabhavam munim .
muktanathopasakam cha vande vedeshayoginam ..2..

bhashyam talavakarasya vyakhyatam yena saushthavat .
devottamopasakam tam vande vedeshayoginam ..3..

tatvodyotasya tikaya vyakhyataram budham varam .
muktabhinnopasakam cha vande vedeshayoginam ..4..

tatvanirnayatikaya vyakhyam kritva subodhakam .
gunapurnopasakam cha vande vedeshayoginam ..5..

manalakshanatikaya vyakhyataram vipashchitam .
manatvadopasakam cha vande vedeshayoginam ..6..

pramanapaddhateshtikam virachayyopakarakam .
manameyopasakam cha vande vedeshayoginam ..7..

raghuttamaptasadvidyam raghuttamapadarchakam .
yaduttamopadeshtaram vande vedeshayoginam ..8...

yadavarye shastradiksham pratishthapya nirantaram .
vyakhyane prerayantam tam vande vedeshayoginam ..9..

viraktibhaktibhushanam hyanantashaktitoshanam .
duruktiyuktidushanam shrutishaghoshanam bhaje ..10..

vedavyasakripapatram vedavyasaguroh priyam .
natavedavyasatirtham vande vedeshayoginam ..11..

raghuttamajnyaya mularamachandrasprisham munim .
tippanyacharyasachchhishyasampradayapravartakam ..12..

shrimadanandatirthiya bhashyam vyakhyatumanjasa .
yogyastameva vyachakshvasarvam bhashyam yathamati ..13..

iti vishvasabharatah paramanugrahena cha .
acharyena samajnyaptam svapnesvapnavarena hi ..14..

shastravamarshanasaktam shastrapravachane ratam .
tippanirachanachunchum vande vedeshayoginam ..15..

shriramapujaniratam vyasapachitibhushanam .
yadavodayasaddiksham vande vedeshayoginam ..16..

sadhanadhyayasamsaktamadhavaryasamipagam .
sadhanacharanasaktam vande vedeshayoginam ..17..

bhimashastrambudhau magnam bhimatiranivasinam
keshavasaktamanasam vande vedeshayoginam ..18..

satyatmabhikshurachitam vedeshastavanam shubham .
yah pathet shrinuyadbhaktya sa bhavedishtasiddhiman ..19..

iti shrisatyatmatirthavirachitam shrivedeshatirthastotram
.
.
Spotify:
https://open.spotify.com/artist/3jNaY...

Prime music:
https://music.amazon.in/artists/B09V2...

Apple music:
/ daasoham