Satyanidhi Teertha Stuti Sangraha | Kurnool | With Lyrics
Lyrics with meaning link: https://drive.google.com/file/d/177rF...
Chanted by Venugopal Khatavkar.
॥ अथ श्रीसत्यनिधितीर्थस्तुतिसंग्रहः ॥
अनधीत्य महाभाष्यं व्याख्यातं यदनुग्रहात् ।
वंदे तं विधिना सत्यनिधिं सज्ज्ञानसिद्धये ॥१॥
जगद्गुरुं सत्यनिधिं सर्वशास्त्रविशारदम् ।
प्रणमामि सदा भक्त्या दुर्वादिजयकांक्षया ॥२॥
आलोड्य सर्वशास्त्राणि चातिगूढार्थबुद्धितः ।
सर्ववादिजयश्रेष्ठानहं वंदे गुरून् सदा ॥३॥
नौमि सत्यनिधिं यस्माद्विजयः सर्वदा मम ।
भवत्येवाखिलज्ञानसिद्ध्यर्थं ज्ञानदं गुरुम् ॥४॥
ज्ञानादिगुणसंपूर्णममोघानुग्रहं गुरुम् ।
वंदे सत्यनिधिं भूयष्टीकार्थज्ञानसिद्धये ॥५॥
कीटेन कारयामास यथा कृष्णस्तथा मया ।
कृपामात्रेण साम्राज्यं तं सत्यनिधिमाश्रये ॥६॥
अपारिजातो यः ख्यातो द्वेषदोषविवर्जनात् ।
इष्टदानात्पारिजातं वंदे सत्यनिधिं मुदे ॥७॥
वादे विजयमन्विच्छन् नौमि सत्यनिधिं गुरुम् ।
स्मरणाद्यस्य विजयो भवत्येव हि वादिनाम् ॥८॥
ज्ञानवैराग्यभक्त्यादेर्मेने सत्यव्रतो गुरुः ।
सत्यलोकनिधिं भक्त्या तं सत्यनिधिमाश्रये ॥९॥
न क्षमा यस्य पुरतो वक्तुं सदसि वादिनः ।
अभ्यस्ताखिलविद्याढ्याः श्रये सत्यनिधिं गुरुम् ॥१०॥
वादिनो नरशब्देन जगुः संसदि वादिनः ।
बुधा येन पराभूतान् तं सत्यनिधिमाश्रये ॥११॥
नरेषु हरिरेवायमिति यं विबुधा जगुः ।
वादिनिर्जयकौशल्यं दृष्ट्वाचार्यं तमाश्रये ॥१२॥
यदनुग्रहमात्रेण सद्भिरिष्टमवाप्यते ।
भक्त्या नमामि तं सत्यनिधिं लोकगुरुं मुदे ॥१३॥
नौमि सत्यनिधिं यस्माल्लेभिरे बहवः श्रियम् ।
कोपाभावात्कोऽपि शापं न लेभे तं दयानिधिम् ॥१४॥
सत्यनिध्यर्यमाशासे सत्यनिध्यर्यपूजकम् ।
सत्यनिध्यर्यबुद्धीशसत्यनिध्यर्यपूजितम् ॥१५॥
नित्यं सत्यनिधीनां श्रीचरणानां प्रसादमाशासे ।
पूर्णं मम गुरूणां समस्तसत्संपदां निदानमहम् ॥१६॥
स्वयं प्रभातो निगमार्थसार्थो
यस्यातिवेलं प्रतिभांबुराशेः ।
तं सत्यनिध्याह्वयतीर्थराजं
वंदारुमंदारमथाभिवंदे ॥१७॥
विद्यापत्यादिसंपत्तीः यद्वृंदावनसेवनात् ।
लभंते मद्गुरुं मर्त्यस्तं सत्यनिधिमाश्रये ॥१८॥
॥ इति श्रीसत्यनिधितीर्थस्तुतिसंग्रहः ॥
.. atha shrisatyanidhitirthastutisangrahah ..
anadhitya mahabhashyam vyakhyatam yadanugrahat .
vande tam vidhina satyanidhim sajjnyanasiddhaye ..1..
jagadgurum satyanidhim sarvashastravisharadam .
pranamami sada bhaktya durvadijayakankshaya ..2..
alodya sarvashastrani chatigudharthabuddhitah .
sarvavadijayashreshthanaham vande gurun sada ..3..
naumi satyanidhim yasmadvijayah sarvada mama .
bhavatyevakhilajnyanasiddhyartham jnyanadam gurum ..4..
jnyanadigunasampurnamamoghanugraham gurum .
vande satyanidhim bhuyashtikarthajnyanasiddhaye ..5..
kitena karayamasa yatha krishnastatha maya .
kripamatrena samrajyam tam satyanidhimashraye ..6..
aparijato yah khyato dveshadoshavivarjanat .
ishtadanatparijatam vande satyanidhim mude ..7..
vade vijayamanvichchhan naumi satyanidhim gurum .
smaranadyasya vijayo bhavatyeva hi vadinam ..8..
jnyanavairagyabhaktyadermene satyavrato guruh .
satyalokanidhim bhaktya tam satyanidhimashraye ..9..
na kshama yasya purato vaktum sadasi vadinah .
abhyastakhilavidyadhyah shraye satyanidhim gurum ..10..
vadino narashabdena jaguh samsadi vadinah .
budha yena parabhutan tam satyanidhimashraye ..11..
nareshu harirevayamiti yam vibudha jaguh .
vadinirjayakaushalyam drishtvacharyam tamashraye ..12..
yadanugrahamatrena sadbhirishtamavapyate .
bhaktya namami tam satyanidhim lokagurum mude ..13..
naumi satyanidhim yasmallebhire bahavah shriyam .
kopabhavatkopi shapam na lebhe tam dayanidhim ..14..
satyanidhyaryamashase satyanidhyaryapujakam .
satyanidhyaryabuddhishasatyanidhyaryapujitam ..15..
nityam satyanidhinam shricharananam prasadamashase .
purnam mama gurunam samastasatsampadam nidanamaham ..16..
svayam prabhato nigamarthasartho
yasyativelam pratibhamburasheh .
tam satyanidhyahvayatirtharajam
vandarumandaramathabhivande ..17..
vidyapatyadisampattih yadvrindavanasevanat .
labhante madgurum martyastam satyanidhimashraye ..18..
.. iti shrisatyanidhitirthastutisangrahah ..
.
.
Spotify:
https://open.spotify.com/artist/3jNaY...
Prime music:
https://music.amazon.in/artists/B09V2...
Apple music:
/ daasoham