Ғабиден Мұстафин
16 қараша күні Петропавл ауылдық модельді кітапханасында жазушы Ғ.Мұстафиннің туғанына 120 жыл толуына орай оқырмандар конференциясы өтті. Мақсаты: жазушының өмірбаянымен, шығармашылығымен таныстыру, Ғ.Мұстафин шығармаларын оқу арқылы отансүйгіштікке, туған жерге деген сүйіспеншілікке тәрбиелеу, көркем әдебиетке деген қызығушылықтарын дамыту. Шара барысында жиналғандар қазақ жазушысының өмірбаянымен, проза жанрындағы құнды шығармаларымен таныстырып, Ғ.Мұстафиннің кеңес дәуіріндегі жазушы ретіндегі рухани дамуы мен қалыптасуы туралы әңгімеледі. Жазушының «Өмір ме, әлде өлім», «Шығанақ Берсиев», «Миллионер», «Дауылдан кейін», «Көзбен көрген адам» сияқты белгілі шығармалары сөз болды. «Қарағанды» романына ерекше назар аударылды. Бектұрсынова Ж., Тілесова Ж., Шошанова Б., оқыған жазушының шығармалары туралы өз пікірлерін ортаға салды.