«Өзекті өртер шындық»
ӨЗЕКТІ ӨРТЕР ШЫНДЫҚ
31 мамыр – қуғын-сүргін құрбандарын еске алу күніне орай аудандық орталық кітапханада «Өзекті өртер шындық» тақырыбында әдебиеттің ауызша шолуы жасалды.
Шарада қазақ тарихындағы қанды, қаралы жылдар туралы мәлімет беріліп, саяси қуғын-сүргін құрбандарына айналған ұлтымыздың ұлы тұлғаларының өмір жолы, ел үшін атқарған қызметтері, олардың артында қалған ұлы мұралар туралы баяндалды.
Кітапханашы Н.Мәтбаева кітап қоры негізінде жасалған кітап көрмесімен таныстырып, азапты жылдар туралы жарық көрген деректі шығармалар мен өмірбаяндық әдебиеттер, сонымен бірге осы тарихи кезең жайлы жазылған көркем әдеби шығармалар мазмұны жөнінде сөз қозғады.
Шара соңында оқырмандар көрмедегі әдебиеттерге қызығушылық танытып, көркем әдебиеттерді жаздырып алды.