KIDS BOOK FEST
1-маусым - Халықаралық балаларды қорғау күніне орай Қарғалы аудандық балалар кітапханасының ұйымдастыруымен облыстық «KIDS BOOK FEST» балалар кітап фестивалі аясында орталық саябақта «Балалардың күлкісі-көркі сәні әлемнің» библиофреш шарасы оқырмандардың мәдени құндылықтарын насихаттау, кітап оқуға және әдебиетке деген құштарлығын арттыру мақсатында өтті. Оқырмандар арасында «Білімді мыңды жығады» (викториналық сұрақ - жауап ойыны), «Мақал – сөздің азығы, жұмбақ – ойдың қазығы» , « Жұмбақты шешіп көрейік» әдеби ойындары ойнатылды. «Балбұлақ», «Айгөлек», «Балалар әлемі», «Алтын сандық», «Фантазеры», «Непоседа» журналдарының ішіндегі танымдық тапсырмаларды орындады Балалар берілген сұрақтарға жауап беріп,сыйлықтар ұтып алды. « Кітап біздің досымыз» атты кітап көрмесіне шолу жасалды. Кітап көрмесі оқырмандар арасында қызу пікір тудырды. Құрметті балалар, ата-аналар! Сіздерді бүгінгі 1-маусым - Халықаралық балаларды қорғау күнімен құттықтаймыз! Барлықтарыңызға ашық аспан, бейбіт өмір, сәбилерге бақытты балалық шақ, әрқашанда сыңғырлаған күлкі тілейміз, Отанымыздың мақтанышы болуыңызға тілектеспіз!