الحريص تورّده للموت غلطته الوحيده - صالح النشيرا 2022
لاخذتني غايتي وابطيت ياغاية مرادي
والمسافه كايده والحب باق(ن) له شريده
زمّليني من هواجيس الغياب اللا إرادي
ان ذبحني طاري الفرقا وش انتي مستفيده
واعبري بي لااغدي عادي وانا ماني ب عادي
الحريص تورّده للموت غلطته الوحيده
ياعنيده مامعي صبرً مثل صبر المهادي
لاتعذرتي مثل عذر المعقّد بالعقيده
لا استوت في عيونك الثنتين قربي وابتعادي
والظروف اقسى من الماضي على اللي يستعيده
المصافح بالقلوب اصدق من مصافح الايادي
اسمحي لي كل يوم اصافحك وانتي بعيده
لاتحاتين الضمى والجوع في رحلة اجهادي
الحظوظ مقسّمه والذيب ماياكل وليده
شاعرك لا هاموا اصحاب الشعر في كل وادي
مستعد يوقّف الدنيا على مطلع قصيده