نسنس الحزن | صالح آل مانعه 2021
نسنس الحزن واجتاح الظلوع وبكيت
لو عيون الرجال تعيب عبراتها
ادركتني وانا هليتها مااستحيت
آه يالحظة الفرقا … ولوعاتها
والله إني من الفرقا شبعت ورويت
أعرف دروبها وابخس متاهاتها
ياهوى البال هذا انا لعينك سريت
كان فيدك بقايا للوصل هاتها
جيتك العام وازريت الوصل يوم جيت
لين عيّشتنا الفرقا وحسراتها
علموني وانا عن حالتك مادريت
العذر ياشقى روحي ومشهاتها
الوجع فيك وانا اللي مرضت وشكيت
نكبة الفال ماينفع تنهاهتها
اتظاهر مع العالم وانا ماسليت
القطاعه على وجهي علاماتها
لين نسنس عليّ الحزن عصر وبكيت
آه يالحظة الفرقا … ولوعاتها
صالح آل مانعه ،،
Y H Q _ 9 9