Tv Klan - Muzeu "Onufri", 70 mijë vizitorë në 2024
Berati është një nga qytetet më të vizituara nga turistët gjatë këtij viti. Qyteti historik, pjesë e Unesco-s ka shumë për t’i ofruar vizitorëve. Muzeu Kombëtar i Ikongrafisë “Onufri”, mbetet një nga më të veçantët për t’u parë.
Në 7 muaj, afro 70 mijë turistë kanë prerë biletën për ta parë këtë muze. Ka nga ata që u janë dashur të presin 8 muaj për ta bërë realitet vizitën.
“Në vitin 2023 kam njohur Beratin përmes një reklame, pastaj mora informacion dhe kam bërë rezervimin në dhjetor 2023, ditën e Krishtlindjeve. Përveç Beratit do të shkojmë edhe në plazhet e jugut.”
“Kemi dy ditë në Berat, është shumë interesant.”
“Shqipëria është një vend i këndshëm, njerëzit janë të qeshur dhe ushqimi i mirë. Muzeu paska shumë vizitorë, qenka bukur këtu…”
“Më pëlqeu shumë muzeu, është i bukur dhe ikonat shumë impresionuse. Berati qenka një nga qytetet e pakta të paprekura ku trashëgimia historike është ruajtur mirë.
Muzeu “Onufri” ka patur 52% më shumë vizitore këtë vit, krahasuar me të njëjtën periudhë të vitit të kaluar. Deri në dhjetor, ky muze i ka biletat të shitura tek grupet e mëdha turistike.
Muzeu i “Onufrit”, prezanton historinë e hershme të këtij arti, ndërsa aty ruhen 200 objekte të përzgjedhura nga fondet e kishave dhe manastireve të rrethit të Beratit, të cilat datojnë nga më të vjetrat të shekullit XIV deri në fillim të shekullit XX.
SUBSCRIBE to “RTV KLAN” on YouTube for more videos!
Email: [email protected]
Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook: / tvklan
Follow Tvklan on Instagram: / rtvklan
Programet e Tv Klan mund t’i ndiqni edhe në faqen https://tvklan.al/programe/