مشروع تخرج طلاب بكالوريوس هندسة قوى ميكانيكية 2022 - جامعة الزقازيق
الحمد لله رب العالمين
👈👈 تم بحمد الله مناقشة مشروع التخرج لطلابى المتميزين اللذين قدمو مشروعا متميزا فى مجال الطاقة الجديدة والمتجددة وهو انتاج طاقة من المخلفات. يعتبر هذا الموضوع من الموضوعات الهامه التى اتجهت اليها انظار العالم حديثا وهى محاولة البحث عن مصادر جديدة بديله للطاقة وتتوافق فكرة المشروع مع رؤية مصر 2030 للتنمية المستدامة.
Project Title: Combustion and Emission Characteristics of Biomass Fuels in a Fixed Bed Combustor
👈👈 بصراحه انا فخور جدا بالطلاب وانى اكون احد المشرفين على هذا المشروع بالاشتراك مع ا.د/ سعد عبدالحميد و د/ طارق خاص وسعيد اكتر بالنتايج العظيمه التى توصلو اليها من الشغل العملى والعرض التقديمى الاكثر من رائع اللى قدموه فى المناقشة وكانو قد المسئولية. نحن كلجنة اشراف على المشروع لم نترك الطلاب لحظه بل كنا معهم خطوه بخطوه بداية من تصنيع وتركيب الجهاز وصولا للتجارب العمليه كنا جميعا يدا بيد حفاظا على سلامتهم اولا وللوصول معا لافضل نتائج باذن الله.
👈👈 جزيل الشكر لاستاذى الفاضل ا.د/ اسامه مسلم على تشريفه كمحكم خارجى للمشروع وعلى نقاشة المثمر والممتع مع الطلاب واشادتة بما قدموه.
👈👈 بجد احساس غير عادى لما تشوف نتيجة التعب على مدار العام الدراسى فى هيئة نتائج مبهره من فريق عمل يتضمن مجموعة من الطلاب المتميزين اللى اشتغلو بشكل منظم وكانو بيلتزمو بتعليمات لجنة الاشراف فى المراحل المختلفة للمشروع. الأجمل ان الطلاب داخلين المشروع وعندهم رغبه فى التعلم والتعمق فى المجال ده على الرغم من ان فكرة الموضوع بالنسبه ليهم كانت حاجه جديدة عليهم وعلشان كدا بذلو جهد غير عادى فى انهم يتعلمو ويشتغلو لحد ماوصلو لمرحله متقدمه جدا ودا كان واضح من العرض اللى قدموه فى المناقشة وطريقة اجاباتهم الاكثر من رائعه على الاسئله الموجهه من لجنة الحكم والمناقشة.
👈👈 حرفيا على مدار العام الدراسى مررنا بجميع المراحل سواء كانت سيرالامور بشكل كويس فى بعض الاحيان أوحدوث اعطال ومشاكل فى تصنيع بعض الاجزاء واعادة تصنيعها مره اخرى أو توقف للجهاز فى بعض الاحيان (وكل دا طبيعى ومتوقع طالما انت شغال عملى) ولحظات نجاح ولحظات احباط و... و.... الخ. لكن رغم اى صعوبات قابلتنا الا ان ربنا وفقنا وقدرنا اننا نتخطى كل هذه العقبات ونوصل لنتائج ممتازه.
مع اطيب تمنياتى بالتوفيق لجميع الخريجين هذا العام وان شاء الله نشوفهم فى افضل الاماكن
#combustion #Biomass #Pellets #Emissions #Egypt_vision_2030 #Graduation_Project #Fixed_bed