Amerikada top universitetdə MBA oxumaq
Salam dostlar, bu videoda sizlərlə Amerikada MBA oxumaq haqqında Ələkbərlə müsahibəmi bölüşürəm. Ələkbər Çikagoda Northwestern Kellogg biznes məktəbində oxuyur. Onu da qeyd edim ki, MBA məktəblərinin reytinq sıralamasında Northwestern Kellogg 4-cü yerdədir.
Düşünürəm ki, daha çox həmyerlimiz top məktəblərdə, xüsusilə top 10-15 Amerikan biznes məktəblərində MBA və davamında karyera imkanlarını yoxlamalıdır.
Amerikada 25-35 yaş arası peşəkarlar üçün olan top 10-15 biznes məktəbi var ki, gəlib burada full time MBA oxuya bilərsiniz. Universitetləri cəlb edən “background”unuz varsa, təqaüd qazana və ya xərcləri qarşılamaq üçün borc da götürə bilərsiniz.
Maraqlısı budur ki, 2-5 il müddətində yaranan maddi yükü qarşılamaq mümkün olur. Yəni, qəbuldan sonra universitetdən təxminən 150-250 min dollar aralığında borc götürüb məzun olduqdan sonra 2-5 il müddətində maaşınıza və aldığınız təklif paketinə görə bunu ödəyə bilirsiniz. Çünki universitet həm bilgi, həm təcrübə, həm də netvörkinq baxımından bu şəraiti yaradır. Onu da əlavə edim ki, top biznes məktəblərdə MBA təhsili sizə karyeranızda əsaslı dəyişiklik etməyə imkan verir.