QORXUNC: EVDƏN QƏRİBƏ SƏS GƏLİR
Nəvəsi ilə birgə Goranboy rayonun Muzdurlar kəndində yaşayan Zərgül Zeynalova bir neçə gündür qorxu içindədir. Evin müxtəlif hissələrindən gələn qəribə səslər qadının yuxusunu ərşə çəkib.
Evin zirzəməsindən müxtəlif səslər eşidilir. Gecə saatlarında artan səs-küy ev sahibini daha da qorxudur.
Muzdurlar kənd sakini baş verən hadisəni qohum-əqrəbaya, övladlarına danışıb. Dediyinə görə qızı yay aylarında zirzəmidə böyük ilan görüb. Ancaq gündüz vaxtı zirzəmiyə baxış keçirilsə də hər hansı varlıq gözə dəyməyib.
1960-ci illərdə inşa edilən evdə eşidilən müəmmalı səslərdən qurtulmaq üçün ailə üzvləri çarə axtarır. Məsələ ilə bağlı müvafiq qurumlar da məlumatlandırlıb.