ШӨМЕКЕЙЛЕРІМ
ШӨМЕКЕЙЛЕРІМ
Бүлкілдеген ән-жырмен көмекейлері,
Қыдыр дарып құт қонған шөмекейлерім.
Мыңғыртып мал өргізіп бозаң далада,
Боз жусанмен базарлы, береке-ей жерің!
Қ/сы
Ал, кәнеки, ортаға, кәнекей биге,
Ұлан-асыр той бүгін шөмекейлерде.
Арқа қозып, қан тулап барады-ау, шіркін,
Дөйт ұранға басардай көмекей кейде.
Босамайтын ошағы қара қазаннан,
Жаралғандай жарықтық халқы таза ардан.
Арулары ақеден, ал жігіттері,
Сөз қозғайды Алла деп Балқы Базардан.
Тұлпар мініп тайынан, баптап оздырдың,
Талай тарих бейнетін бастан оздырдың.
Қызыл, Қуаң, Қарақұм, Ырғыз, Тамды, Сыр,
Тоқа, Көнек баласы Аспан, Бозғылдың.