Түркілер достығы
ТҮРКІЛЕР ДОСТЫҒЫ
Айлы ту алған қолына,
Айбынды ел Анадолыда.
Аттанған Ататүріктей,
Ел сүйген ердің соңына.
Кездесіп талай мойнақтан
Бабаммен талай тойлатқан.
Түркімен бауырларым-ай,
Ақалтекесін ойнатқан.
қайырмасы:
Алыстан жауы үркіген,
Түбі бір туыс түркілер.
Қағанат қайда кешегі
Дүбірің жерді сілкіген?!
————————————
Алатооу бөлген арасын,
Қырғызым қайсар, дарасың.
Ыстықкөл алған баурына,
Айырқалпақты баласын.
Әмудің бойы тоғайлы,
Бізге ортақ сонау Ноғайлы.
Қарақалпағым, қаның бір
Жаның бір десем орайлы.
Тарихтың терең ізіндей,
Достықтың жібі үзілмей.
Тәтті өмір сүрсек туысқан,
Өз-ағам берген жүзімдей.
Көтеріп көкке байрағын,
Күзеткен жаудан аймағын.
Әзірбайжаным әзір тұр,
Кең шолып Каспий айлағын
Автор: Сәкен Жүргенов