Bu nə biçim bir düzəndir ay Allah
Bəzi doslar göndərdikləri məsajlarında şer istəyirlər. Bu dostların xahişlərini nəzərə alaraq ən son yazdığımı şerimi paylaşıram.
Umaram bəyənərsiniz.
---------------------------
Yola çıxdıq hər bir şeydən xəbərsiz,
Bircə gün də yaşamadıq kədərsiz,
Dünya fani, ömür qısa, yetərsiz,
Bu nə biçim bir düzəndir ay Allah,
Bir yan duman, bir yan çəndir ay Allah.
Yolun sonu yaxınlaşır, az qaldı,
Ürəyimdə qucaq-qucaq söz qaldı,
Yəqin məndən bu dünyada iz qaldı,
Könlüm dərddən didik-diki, bilmirəm-
Bəlkə bir gün görüşərik, bilmirəm...
Biri gəlir, biri gedir gözündən,
Kim nə deyir, anlaşılmır sözündən,
İnsanların içi fərqli üzündən,
Üzlər susuz, gözlər əyri, söz yalan,
İşvə yalan, sevgi yalan, naz yalan...
Əski insaf, qədim vücdan qalmayıb,
Dilim gəlməz desəm insan qalmayıb,
İnsanlarda sankı heç qan qalmayıb,
Vallah olmaz bu qədər də qansızlıq,
Vücdansızlıq, imansızlıq, dinsizlik.
Kimin kimlə yeridiyi bilinmir,
Kimin kimlə yürüdüyü bilinmir,
Nə donub, nə əridiyi bilinmir-
Ürəklərin məhəbbəti yox olmuş,
İnsanlığın dirəkləri yıxılmış.
Biri gedib nökər olmuş, qul olmuş,
Padişahın itlərinə yal olmuş,
Yolsuzluğun özü də bir yol olmuş,
Haqsızlardan artıq hesab sorunmur,
Bu dünyanın sonu yaxşı görünmür.
2021 May 06 Piruz Dilənçi
Facebook səhifəmin adresi:
/ piruz.dilanchi