ابن الأمراء الذي غدر بسامية جمال لأنها راقصة.. أسرار فريد الأطرش
اتولد 1917 في جبل الدروز في سوريا وابوه كان حاجة كدة زى رئيس قضاء في تركيا وعاش طفولته في لبنان ورجع عاش في مصر في منطقة حى البحر اللى هي الفجالة دلوقتى هروباً من الحملة الفرنسية اللى كانوا عايزين يعتقلوا ابوه بسبب وطنيته في الثورة.
وبعد ما كان ابن بشوات وأمير عاشوا في اوضة صغيرة مع اخته اسمهان وكان له اخ تانى اسمه فواد ، وبعد ما كانت امه اميره بدأت شغل الابرة والخيط علشان يعرفوا يعيشوا ودخل مدرسة فرنسية وكان مغير اسمه علشان المدرسة الفرنسية ماتقفشوش واتغير من فريد الأطرش ابن بشوات الأطرش ل فريد كوسة ،،، زى ما هو كاتب في مذكراته وكان مسخرة زمايله، وكترت المسخرة حواليه وكانوا بينادوه بكل أنواع الخضار ،،، بس مارضيش يحكى لأمه علشان مايشيلهاش هم فوق همها،، واتعلم من أمه العزف على العود واتعلق جداً بالعود زى ما دايماً بيظهر في معظم صوره.
وكبر فريد واتشهر بالعود وهو لسة في ثانوى وبصوته الحلو وكان بيوصله أحمد زكى باشا بنفسه لمعهد الموسيقى وكان معروف وقتها ب"شيخ العروبة" وكان صديق لسلطان الأطرش جده الكبير، وهو اللى كتب خطاب توصية للمعهد لمصطفى بك رضا موسس المعهد علشان يتوصى ب فريد شوية ولكن لأن طريق الفن وقتها مايعرفش الوصاية ف امتحنه الأول واما بدأ فريد يغنى ويعزف، فوراً انضم للمعهد وحس ان الحياه بدأت تضحكله.
فريد الأطرش وسامية جمال
تعرفت سامية جمال على فريد الأطرش بالصدفة، اما كانت قاعدة في قهوة من القهاوى ( زمان بقى كانت الستات بتقعد على القهاوى عادى من غير ما حد يضايقهم مش زى دلوقتى مقتصرة على الرجالة )، وشافت مجلة عليها صورة فريد الأطرش، وبالطبع زمان اخبار الفنانين واخبار الفنانات واخبار الفن بيتعلرفوا من المجلات،، لمعت عينيها كدة وراحت تانى يوم اشترت 10 نسخ من المجلة دى وجت بالليل في الكازينو اللى بتتغل فيه وسالت طفل صغير على الباب تعرف مين الرجل دة، ماردش عليها سالته تانى حبيبى رد عليا تعرف مين الرجل ، سمعت صوت من وراها بيقولها انا، ماهتمتش وافتكرت حد بيروش عليها، راحت سالاه تانى ها يا حبيبى مش هترد عليا، راحت سمعت الصوت تانى ، لفت ولقت فريد الأطرش قامت فراشة السينما اغمى عليها من المفاجأة،
جرح فريد وحزنه الأول والأخير:
لما دخلت اتفاجأت بخبر وفاة اختى من عم عبده اللى فتحلى الباب والصدمة كانت أقوى من انى اصرخ او اعيط مالقتش دموع،
وصل فريد للمكان اللى ماتت فيه اخته اسمهان ولقاها ميتة مع صديقة عمرها وسكرتيرتها. فيه مصادر فن بتقول كمان فريد سمع انها ماكنتش ماتت لما الفلاحين طلعوها من الترعة ولكن عربية الإسعاف رفضت انها تنقلهم للمستشفى بحجة انهم بينقلوا الجرحى بس مش الناس اللى بتموت ومحدش عارف السبب لحد دلوقتى ليه رفضت عربية الإسعاف انها تنقلهم.، والحادثة دى حصلت بعد حادثة جوزها احمد سالم الممثل والمذيع المشهور صاحب الجملة الشهيرة "هنا القاااهرة"، واللى اتجوز برضو تحيا كاريوكا واللى اطلق عليها الرصاص قبلها بايام سنين ولكن عرفت تهرب منه بس قبل ما تهرب ضربته برضو رصاصة بس جت تحت قلبه ومكنش الطب متقدم اوى ف مخرجتش غير وهو بيعمل عملية علشان يخرجها ومات فيها بعدها ب 5 سنين. وممكن نعمل حلقة عن تفاصيل التفاصيل مقتل اسمهان لو عجبتكوا الحلقة دى.
جه الملك فاروق كان بيدعوها لحفلات في قصره ما بين الحفلات الكبيرة وحفلات الأصدقاء، وهى طبعا مين يرفض طلب الملك نفسه،،، ودة كان بيجنن فريد من الغيرة بس مايقدرش يتكلم مع الملك نفسه.
كبرت قصة حب فريد الأطرش وسامية جمال لدرجة ان الصحفيين والناس كانوا كل ما يشوفوهم سوا يسألوها هو فريد ايه مش هيتجوزك ولا ايه، كان بيجرى يرد فريد ويقول الفنان ماتخلقش للجواز وكانت تسمع ويا عينى تسكت خالص، لحد ما حس فريد ان أصحابها بدأوا يحرضوها ضده وانها مش لازم تسكت اكتر من كدة، راح اخدها معاه في لرحلة طويلة بين تونس والمغرب والجزائر علشان ماتغبش عن عينه واما رجعوا، اتفجأت المسكينة ان كل الصحف والمجلات كاتبة ان فريد الأطرش فى أحد المقابلات الصحفية له اتسأل عن سامية جمال، وطبعا علشان الجمهور والمعحبات قال لأ سامية مين دى اللى ابصلها، دى مولودة في اسرة فقيرة وبتشتغل رقاصة، انا أمير ابن باشا يا باشا،، ومن ساعتها بعدت عنه نهائي واتجوزت مليونير امريكانى.
خلافه مع عبد الحليم وعبد الوهاب
تكملة لـ اسرار الفنانين واخبار الفنانين في الزمن الجميل، عبد الحليم كان بيغير من فريد وكان بيعتبره المنافس الأول والأخير له ، لكن بالنسبة لعبد الوهاب ف كان عبد الحليم شايف انه مربى أجيال ومش مشكله لو اتعاونا مع بعض في كام أغنية.. حب فريد الأطرش انه يلحن لعبد الحليم، وبالفعل لحنله اغنية نورا وكان هيديها لعبد الحليم حافظ لكن احتاجها فريد الأطرش ف راح قال لعبد الحليم انا محتاجها ف هاخدها، ومن هنا بدأت الحساسية
مصادر:
• سر الخلاف بين عبد الحليم حافظ وفريد الأطرش...
• حصري ..مذكرات فريدالاطرش جزء1
https://snacksyrian.com/%D9%82%D8%B1%...
#مصر
#فريد_الاطرش
#عبد_الحليم