محمد المقحم / الا يالله بفرحة فقيرٍ ذبحه الدين
حياكم
سناب
@al.2omy
انستقرام
@al.2omy
تيلجرام
https://t.me/al_2omy
..
ابيات القصيده👇
..
الا يالله بفرحة فقيرٍ ذبحه الدين
ولا عاد يوثق فيه من كثرة ديونه
.
الى جاء المحطه من دبور الزمان الشين
ينادي بعض عمالها ما يحاكونه
.
يروي لذودٍ ذايقٍ منه الامرين
على موترٍ حرق من الشمس طبلونه
.
يجيب الشعير اسلاف بالكيس والكيسين
ومثله عليه الكيس ماهو من هونه
.
مايمشي له الا شونة ماتتم الفين
وش اللي بيقدر يغطي بهاالشونه
.
يرقع ذي بهذي ويمْل على بعدين
وليا الله كتب لك خير ماحيل من دونه
.
رزقه الله بفرديةٍ جابته للزين
وله فترةٍ ماهو بيفصل تلفونه
.
ثلاثمية ، اربع ، ست ، مليون ، مليونين
جلدها وقام يغورق الدمع بعيونه
.
تذكر عياله والفقر والجفاء والبين
وربع يمر وكنهم مايعرفونه
.
ولاعاد يدري ينطلق للحياة منين
يبي ينتقم من فقره ويبرد غبونه
.
شراله بعير ووايت وفلةً دورين
وجيب تجيب الكبر مسكة درقسونه