محمد المقحم _ تدرون عاد إن فيه من هالناس
حياكم
سناب
@al.2omy
انستقرام
@al.2omy
تيلجرام
https://t.me/al_2omy
..
ابيات القصيده👇
..
تدرون عاد إن فيه من هالناس
مجموعة .. تحتاج أن تحتاج .!
والله صحيح . وحطوا بين أقواس
خصوصا . ( الأباء ) و ( الأزواج )
أن تكتفي . عن مثل ذا لأجناس
منعا من الإحراج . ذا لإحراج !
لازم نحس بما ورى الإحساس
في ذاك . في عمق الهدوء إزعاج !
كثر العناية تكبت الأنفاس
تحط بينك والحياة . سياج
الماء اللي يروينا وهو فا لكاس
هو اللي يغرقنا لا صار أمواج
فالشخص إذا عطل كذا ينحاس
ويقوم يفقد نوره الوهاج
لازم يحس إنه ركن وأساس
نلهيه فا لمدخال و المخراج
مايترك يهوجس ولا هوجاس
دايم وعنده خط سير إنتاج
تلقاه عنده من العلاج أكياس
حبوب . فلوتارين . وكلوفاج
ونفرغه . للهم والوسواس !
يذبل لأنه ماعاد له منهاج !
والياس يبدأ نقطة فالراس
إلين يطلع كبر ضلع سواج
فحطوا على البال إن من هالناس
مجموعة . تحتاج . أن تحتاج