ОРТА ҒАСЫРЛАР ҰҒЫМЫ ЖӘНЕ ОНЫҢ МАҢЫЗЫ ОРТА ҒАСЫРЛАР КЕЗЕҢДЕР
Өз халқыңның тарихына деген құштарлық рухани қараңғылықтан сақтануға, Отан, туған жерге деген сүйіспеншілік пен мақтаныш сезіміңнің беки түсуіне, өткен тарихты ой елегінен өткізіп, болашақты болжауға, алдыңғы тарихи жолдарды лайықты таңдап алуға мүмкіндік береді.
Осы ежелгі жерді мекендеп отырған халықты танудың бір шарты - Батыс пен Шығыс өркениеттерін тоғыстырып, Дала өркениетінің кіндігі болған Қазақстанның ортағасырлардағы тарихын оқып - үйрену болып табылады. Қазақстанның ортағасырлардағы тарихы VI ғасырдан XVII ғасырдың аяғына дейінгі уақытты қамтиды.
Қазақстанның ортағасырлардағы тарихын үш тарихи кезеңге бөліп қарастырамыз. Бірінші- Қазақстан тарихының ерте ортағасырлық кезеңі (VI-IX ғғ). Екінші – Қазақстанның дамыған ортағасырлық кезеңі (X-XIV ғғ). Үшінші – біртұтас Қазақ мемлекеттігінің құрылу кезеңі (XV-XVII ғғ).