Tv Klan - Dalin pamjet e vrasjes së biznesmenit Ardian Nikulaj
Pasi e priti për mbi një orë përballë lokalit, vrasësi i biznesmenit Ardian Nikulaj futet i qetë brenda dhe ekzekuton atë me 7 plumba.
Në pamjet e kamerave të sigurisë të lokalit shihet fillimisht 55-vjeçari Nikulaj i ulur në tavolinë, i cili nis një bisedë me telefon.
Pikërisht në këtë moment në lokal hyn autori me skafandër në kokë, maskë në fytyrë dhe jelek fosforeshent.
E përshëndet me dorë viktimën, i cili ia kthen përshëndetjen dhe nuk ia heq shikimin.
Vrasësi i del përpara, i afrohet tavolinës ku qendronte Nikulaj dhe në ecje e sipër nxjerr pistoletën nga një çantë që e ka në brez dhe zbraz drejt tij gjithë karikatorin, duke e goditur në gjoks dhe në kokë nga fare afër.
Televizioni Klan vendosi të mos i publikojë këto momente sensitive.
Pas vrasjes, autori i drejton pistoletën një prej punonjësve të lokalit dhe largohet me vrap andej nga erdhi.
Merr motorçikletën me të cilën kishte shkuar në Shëngjin dhe largohet. Gjurmët e tij arrijnë deri në Gjadër.
Policia ka kontrolluar disa banesa dhe ka shoqëruar disa persona për t’i marrë në pyetje, por dëshmitë e tyre nuk kanë qenë ndihmesë për hetuesit.
Shpresat më të mëdha mbeten te kamerat e sigurisë, por maskimi i vrasësit me maskë anti-covid, skanfandër dhe veshja fosforeshente e bën thuajse të pamundur identifikimin e tij.
Prokuroria dhe policia kanë dyshime se bëhet fjalë për një vrasës me pagesë, por deri tani nuk është përjashtuar asnjë pistë hetimore.
Viktima ishte një emër i njohur në qytetin e Lezhës, si biznesmen dhe për shkak të përfshirjes në politikë.
Ai ishte anëtar i Këshillit Bashkiak të Lezhës dhe kandidonte sërish për të njëjtin pozicion në zgjedhjet e 14 Majit nën siglën e Partisë Socialdemokrate.
SUBSCRIBE to “RTV KLAN” on YouTube for more videos!
Email: [email protected]
Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook: / tvklan
Follow Tvklan on Instagram: / rtvklan
Programet e Tv Klan mund t’i ndiqni edhe në faqen https://tvklan.al/programe/