Sting Operation | निवडणुकीपूर्वीच मिंध्यांचं मतदान सुरू; वोटिंग, आधार कार्ड ताब्यात घेऊन पैसे वाटप
विधानसभा निवडणुकीसाठी गेल्या महिनाभरापासून धडाडत असलेल्या प्रचारातोफा सोमवारी सायंकाळी थंडावल्या. राज्यात उद्या 20 नोव्हेंबर रोजी मतदान, तर 23 नोव्हेंबर रोजी मतमोजणी होणार आहे. मात्र लोकसभेप्रमाणे विधानसभेलाही राज्यातील जनता महाविकास आघाडीच्या पाठीशी उभी असल्याचे संकेत अनेक सर्व्हेंमधून आल्याने सत्ताधाऱ्यांची चांगलीच तंतरली आहे. त्यामुळे गोची झालेल्या मिंध्यांकडून मतदारांना पैसे वाटप करून त्यांचे वोटिंग आणि आधार कार्ड ताब्यात घेतले जात असल्याचे समोर आले आहे. छत्रपती संभाजीनगरमध्ये सोमवारी रात्री हा प्रकार उघडकीस आल्यानंतर एकच खळबळ उडाली. याप्रकरणी पोलिसांनी दोघांना अटक केली आहे.